نئی دلی: بھارتی گلوکار و اداکار رِشبھ ٹنڈن جو فقیر کے نام سے مشہور تھے دل کا دورہ پڑنے کے باعث انتقال کر گئے۔
بھارتی میڈیاکے مطابق گلوکار رِشبھ ٹندن کو منگل کی رات نئی دلی میں دل کا دورہ پڑا جو جان لیوا ثابت ہوا۔ ان کی عمر 35 سال تھی۔
خاندانی ذرائع نے بھارتی میڈیا کو بتایا کہ گلوکار والد کی طبیعت خراب ہونے کے باعث نئی دلی میں تھے، گزشتہ رات رشبھ کو دل کا دورہ پڑا۔
گلوکار رِشبھ کے انسٹاگرام اکاؤنٹ پر ان کی آخری پوسٹ محض 11 دن قبل کی ہے، جس میں وہ اپنی اہلیہ کے ساتھ نظر آ رہے ہیں۔
گلوکار کے اہلِ خانہ نے مداحوں سے اس مشکل وقت میں پرائیویسی کی درخواست کی ہے۔
رشبھ ٹنڈن کے اچانک انتقال نے بھارتی موسیقی کی دنیا اور ان کے مداحوں کو گہرے صدمے اور افسوس میں مبتلا کر دیا ہے۔
