ملک گیر لاک ڈاؤن کی خلاف ورزی کرنے والوں کو بھارتی پولیس نے منفرد انداز میں خوب سبق سکھا دیا۔
پاکستانی پولیس کے پر تشدد رویے کے برعکس ہمسایہ ملک بھارت میں پولیس کورونا وائرس سے بچاؤ کے لیے لاک ڈاؤن کی خلاف ورزی کرنے والے نوجوانوں سے صحتمند مشقیں کرانا شروع کر دیں۔
حال ہی میں بھارت کے مشرقی پنجاب کی ایک مزاحیہ ویڈیو سوشل میڈیا پر وائرل ہوئی ہے جس میں لاک ڈاؤن کی خلاف ورزی کرنے والوں کو پولیس نے اٹھک بیٹھک کی مشق کراتے ہوئے حکم دیا کہ وہ اس دوران اسی سماج دشمن آں اسی کار نہیں بہ سکدے (ہم معاشرے کے دشمن ہیں ہم گھروں میں نہیں بیٹھ سکتے) کا سبق دہراتے جائی۔
کورونا وائرس، لاک ڈاؤن کے دوران بھارتی انتظامیہ کے انتظامات پر ایک رپورٹ
لاک ڈاؤن کے دوران خریداری، بھارتی عوام کا منفرد انداز سوشل میڈیا پر وائرل
بھارت میں 21 روز کے لاک ڈاؤن کا اعلان، کوئی گھر سے نہیں نکل سکے گا
لاک ڈاؤن کی خلاف ورزی کرنے والوں کے خلاف بھارتی پولیس کی کارروائیاں وہاں کی عوام میں مقبولیت اختیار کر ہی ہیں۔
ویڈیو وائرل ہونے کے بعد سوشل میڈیا صارفین نے ایسی مشقوں کو شہریوں کی کونسلنگ قرار دیا ہے۔
لوگ اس ویڈیو سے محظوظ ہونے کے ساتھ ساتھ اپنی ذمہ داریوں کا شعور بھی حاصل کر رہے ہیں۔
دنیا بھر اس وقت عوام کی طرف سے لاک ڈاؤن کی خلاف ورزی کرنے والوں کو مختلف قسم کی انوکھی سزائیں دینے کا سلسلہ جاری ہے۔
