ٹک ٹاک پر لاکھوں فنی ویڈیو موجود ہیں مگر حال ہی میں ایک ایسی ویڈیو اپ لوڈ کی گئی ہے جسے دیکھ کر خوف سے کپکپی طاری ہو جاتی ہے۔
یہ ویڈیو ان لوگوں کے لیے ہے جو دنیا بھر میں ہونے والی ہزاروں اموات کے باوجود بھی کورونا وائرس سے پھیلی ہوئی وبا کو سنجیدہ نہیں لے رہے ہیں۔
ویڈیو میں دکھایا گیا ہے کہ امریکہ میں ایک خوبصورت امریکی دوشیزہ کا کورونا ٹیسٹ کے لیے سٹک سے ناک کی رطوبت سے نمونہ لیا گیا اورایک سے دو سیکنڈ کے بعد ہی سٹک باہر نکال لی گئی۔
جیسے ہی سٹک باہر نکلی لڑکی کی ناک اور ہونٹ غیر معمولی طور پر موٹے ہو گئے اور اس کے چہرے کے خدو خال چند ہی لمحوں میں مکمل تبدیل ہو گئے۔
اسپین میں ایک ہی رات میں کورونا وائرس سے ریکارڈ 700 سے زائد ہلاکتیں
چین کے 21 سالہ کورونا مریض ٹائیگر یی کی کہانی، جسے زندگی موت سے واپس چھین لائی
کورونا وائرس: پاکستان میں ایک لاکھ افراد کیلئے صرف ایک وینٹی لیٹر
اگر فوری طور پر دوشیزہ کو آئینہ دکھایا جاتا تو شاید وہ بھی اپنی شکل نہ پہچان پاتی۔
یہ ویڈیو ٹک ٹاک پر اس مقصد کے لیے ڈالی گئی ہے کہ اس خطرناک وبائی بیماری کی سنگینی کو سنجیدہ لے کر اس بیماری سے بچنے کی کوشش کی جائے۔
اس وقت پوری دنیا میں کورونا وائرس کی وبا نے پنجے گاڑے ہوئے ہیں، اس بیماری سے ہونے والی اموات کی تعداد 21 ہزار سے بڑھ چکی ہے۔
پاکستان میں بھی کورونا کے متاثرین کی تعداد 1090 ہو چکی ہے جبکہ آٹھ افراد اس کے ہاتھوں جاں بحق ہو چکے ہیں۔
