شہزادے چارلس کے بعد برطانیہ کے وزیراعظم بورس جانسن میں بھی کورونا وائرس کی تصدیق ہو گئی ہے۔
انہوں نے ٹویٹر پر بتایا گیا ہے کہ گزشتہ 24 گھنٹوں میں ان میں کورونا وائرس کی ہلکی علامات ظاہر ہوئی ہیں جس کے بعد ٹیسٹ لیا گیا جو مثبت آیا ہے۔
برطانوی وزیراعظم کی جانب سے ٹویٹر پیغام میں مزید بتایا گیا کہ کورونا وائرس تصدیق کے بعد وہ اب خود کو الگ تھلگ کررہے ہیں اور وہ گھر سے کام کرتے رہیں گے۔
انہوں نے کہا کہ گھر رہنا وائر س کا پھیلاؤ روکنے کیلئے بنیادی چیز ہے۔
برطانیہ کے شہزادہ چارلس بھی کورونا وائرس کا شکار ہو گئے
کورونا وائرس کا علاج کرنے والے برطانوی ڈاکٹر کی درد بھری داستان
کیا کورونا وائرس مغربی جمہوریتوں کو مستقل تبدیل کر دے گا؟
دوسری طرف دی گارڈین میں گزشتہ روز شائع ہونیوالی رپورٹ میں کہا گیا تھا کہ میڈیا کے ماہرین برطانوی وزیراعظم بورس جانسن کی کورونا وائرس کے خلاف مہم سے مایوس ہیں۔
دی گارڈین میں شائع ہونے والے آرٹیکل کے مطابق کورونا وائرس وبا کے دوران بورس جانسن نے کہا تھا کہ وہ مسلسل لوگوں سے ہاتھ ملا رہے ہیں۔
تین مارچ کو برطانوی وزیراعظم نے کہا تھا کہ گزشتہ رات وہ اسپتال گئے تھے جہاں انہوں نے کورونا وائرس مریضوں سمیت سب سے ہاتھ ملائے۔
انہوں نے کہا تھا کہ آپ کو یہ جان کر خوشی ہوگی کہ میں ہاتھ ملانا نہیں چھوڑ رہا۔
اب اس بے احتیاطی کا انجام سامنے آ گیا ہے اور وہ خود اس وائرس کا شکار ہو گئے ہیں۔
انہوں نے کہا تھا کہ برطانیہ کا صحت کا نظام اور ٹیسٹنگ نظام بہترین ہے۔ انہوں نے مزید کہا تھا کہ برطانیہ کے زیادہ تر لوگوں کیلئے انہیں چاہئے کہ سب معمول کے مطابق چلتا رہے۔
