بھارتی میڈیا کی رپورٹس کے مطابق معروف بھارتی اداکار وشوناتھ نانا پاٹیکر گوا میں واقع اپنی رہائش گاہ پر دل کا دورہ پڑنے سے 75 برس کی عمر میں انتقال کر گئے ہیں۔
اطلاعات کے مطابق سینے میں درد کی شکایت پر بھیجی گئی طبی ٹیم کو اداکار بے ہوشی کی حالت میں ملے۔ خبر رساں ادارے نے گوا کے منی پال ہسپتال میں شعبہ آنکولوجی کے سربراہ ڈاکٹر شیکھر سالکر کے حوالے سے بتایا کہ طبی ٹیم نے اداکار کو کارڈیو پلمونری ریسیسی ٹیشن دینے کی کوشش کی، جس کے بعد انہیں فوری طور پر ہسپتال منتقل کیا گیا۔
جمعرات کی صبح سویرے اداکار کی موت کی تصدیق کر دی گئی۔ ڈاکٹر سالکر نے بتایا کہ اس معاملے میں قانونی کارروائی کا آغاز کر دیا گیا ہے اور لاش کا پوسٹ مارٹم کیا جائے گا۔
پاٹیکر نے ہندی اور مراٹھی سنیما میں متعدد یادگار کردار ادا کیے، اس کے علاوہ انہوں نے تامل اور کنڑ فلموں میں بھی کچھ کردار نبھائے۔ ان کے 48 سالہ کیریئر کا آغاز 1978 کی فلم گمن سے ہوا تھا۔۔۔بشکریہ ڈان
