کورونا وائرس کی وبا کا خوف سب کے دل و دماغ میں جگہ بنا چکا ہے، اور ہو کوئی اس نادیدہ بلا سے محفوظ رہنے کے جتن کرتا دکھائی دیتا ہے۔
اس حوالے سے سوشل میڈیا پر ایک ویڈیو وائرل ہوئی ہے جس میں ایک خاتون بازار سے واپسی پر جب گھر پہنچتی ہے تو اسے دلچسپ انداز میں باہر ہی وائرس سے پاک کیا جاتا ہے۔
ویڈیو میں دیکھا جا سکتا ہے کہ موٹر سائیکل سوار خاتون جب سامان لے کر گھر پہنچی تو سب سے پہلے ایک شخص احتیاط سے باہر نکلتا ہے اور ایک لکڑی کے ذریعے فاصلے رکھتے ہوئے تمام سامان اس سے لے لیتا ہے۔
دبئی میں کورونا وائرس کے خلاف ڈرونز کا استعمال شروع
کورونا وائرس کا علاج، سوشل میڈیا پر پھیلی افواہ نے 300 ایرانیوں کی جان لے لی
کورونا وائرس: ایرانی ڈاکٹرز کے رقص نے دنیا کی توجہ حاصل کر لی
اس کے بعد اس خاتون کو جراثیم سے پاک کرنے کا عمل شروع ہوتا ہے جو ویڈیو کا سب سے دلچسپ حصہ ہے۔
سب سے پہلے اس پر جھاگ جیسا مائع ڈالا جاتا ہے اس کے بعد دو نوجوان برش کے ساتھ اس کی صفائی کرتے ہیں، اس دوران وہ زمین پر پیٹ کے بل لیٹ جاتی ہے تاکہ پشت پر موجود جراثیم بھی صاف ہو سکیں۔
اس کے بعد ایک مرتبہ پھر اس پر صاف پانی گرایا جاتا ہے اور پوری طرح تسلی کرنے کے بعد اسے گھر میں گھسنے دیا جاتا ہے۔
سوشل میڈیا پر یہ ویڈیو بہت پسند کی گئی ہے کیونکہ اس میں منفرد انداز میں کورونا وائرس سے بچاؤ کا سبق دیا گیا ہے۔
یہ سوال البتہ ضرور ہے کہ یہ ویڈیو دیکھنے کے بعد کوئی باہمت شخص ہی اسٹور سے سامان لانے کے بعد اس بھرپور دھلائی کے عمل سے گزر سکتا ہے۔
