گوگل دنیا کے سب سے زیادہ ڈیٹا پر مشتمل سرچ انجن ہے جہاں ہر طرح کی معلومات دستیاب ہیں لیکن پانچ چیزیں ایسی ہیں جنہیں سرچ نہ کیا جائے تو بہتر ہے۔
یہ معلومات حاصل کرنے کی کوشش آپ کی زندگی سے سکون ختم کر کے آپ کو اضطراب میں ڈال سکتی ہے۔
اپنی بیماری سرچ نہ کریں
گوگل پر اپنی بیماری تلاش نہ کریں کیونکہ کئی امراض کی علامات ایک جیسی ہوتی ہیں اور گوگل آپ کی سادہ بیماری کو خطرناک بیماری بنا کر بھی پیش کر سکتا ہے۔
بخار اور نزلہ کی علامات بھی گوگل کو بتائی جائیں تو وہ کسی بڑی بیماری کے خوف میں مبتلا کر دیتا ہے اور انسان خود کو بیمار محسوس کرنے لگتا ہے۔
بہتر یہی ہے کہ گوگل سے مدد لینے کے بجائے بہتر یہی ہے کہ متعلقہ ڈاکٹر تلاش کیا جائے۔
پراسرار معلومات تلاش نہ کریں
پراسرار معلومات کی تلاش کرنے پر امکان یہی ہے کہ گوگل آپ کو ایسی خوفناک چیزیں فراہم کر دے گا جس سے آپ کی سوچنے کی صلاحیت تک متاثر ہو سکتی ہے۔
گوگل پر کچھ معلومات اس حد تک ڈرا دینے والی اور خطرناک مل جاتی ہیں جو آپ کی بھوک کو بھی متاثر کر سکتی ہیں اور آپ مستقل بے خوابی کا شکار بھی ہو سکتے ہیں۔
اپنی بہتری کے لیے ایسی معلومات کی تلاش نہ کریں جس سے گوگل آپ کی نفسیات کے ساتھ کھیل سکے۔
اپنا نام سرچ نہ کریں
گوگل پر اپنا نام سرچ کرنے سے باز رہیں کیونکہ آپ اپنی پرانی تصویریں، غیر متعلقہ باتیں اور پرانی معلومات دیکھ کر پریشان ہو جائیں گے۔
اس کے بعد جب آپ یہ تمام مواد انٹرنیٹ سے ہٹانا چاہیں گے تو یہ اتنا آسان نہیں ہو گا۔
اسی طرح اگر آپ کا نام منفرد نہیں ہے تو گوگل پر اس سے ساتھ جڑی پریشان کن معلومات بھی مل سکتی ہیں۔
چونکہ اپنے نام سے جڑی بری بات کسی کو پسند نہیں اس لیے اپنے نام کی تلاش سے باز رہیں۔
خطرناک جانوروں کی سرچ نہ کریں
۔کیا آپ جانتے ہیں کہ کرہ ارض پر آٹھ ارب 70 کروڑ جانور ہیں؟ اگر کوئی سمجھتا ہے کہ یہ تمام جانور دیہی علاقوں میں پائے جاتے ہی تواس کی معلومات ٹھیک نہیں ہیں۔
انٹرنیٹ ایسے خطرناک جانوروں کی معلومات سے بھرا پڑا ہے جن کے متعلق جاننے کے بعد آپ خود کو گھر میں رہتے ہوئے بھی خطرے میں محسوس کریں گے اور سفر سے بھی اجتناب شروع کر دیں گے۔
مجرمانہ سرگرمیاں سرچ نہ کریں
آپ کسی بھی طرح کی مجرمانہ سرگرمیوں کی تلاش گوگل پر بالکل نہ کریں۔ انسانی جبلت ہے کہ وہ زیادہ سے زیادہ جاننے کی خواہش رکھتا ہے اور اسی خواہش میں اگر آپ بم بنانے یا پھر منشیات کی تیاری کے بارے میں گوگل سے معلومات لینے کی کوشش کرتے ہیں تو کسی بڑی مشکل کا شکار ہو سکتے ہیں۔
قانون نافذ کرنے والی ایجنسیاں انٹر نیٹ پرمسلسل نظر رکھتی ہیں کہ کوئی مجرمانہ سرگرمیوں کے لیے تو کسی قسم کی تلاش نہیں کر رہا ہے۔
اگر اس طرح کی کوئی تلاش کی جاتی ہے تو آئی پی ایڈریس کی مدد سے بہت آسانی سے آپ تک پہنچا جا سکتا ہے۔
کسی بھی قسم کی مشکل سے بچنے کے لئے کسی بھی قسم کی مجرمانہ سرگرمیوں کی بالکل تلاش نہ کی جائے۔
