پنجاب حکومت کی جانب سے صوبہ بھر میں کورونا وائرس کے باعث نافذ کی گئی دفعہ 144 کی خلاف ورزی پر اب تک 10 ہزار افراد کے خلاف کارروائی کی گئی ہے۔
کورونا کرائسز مینیجمنٹ سیل میں دفعہ 144 کی خلاف ورزی کرنے والوں کا ڈیٹا مرتب کیا جا رہا ہے جس کے مطابق اب تک 6 ہزار ایک سو 54 افراد کے خلاف ایف آئی آر درج کی گئی ہے۔
کورونا کرائسز مینیجمنٹ سیل صوبہ بھر میں کورونا کے باعث پیدا ہونے والی صورتحال کی نگرانی کے لیے قائم کیا گیا تھا، وزیراعلیٰ پنجاب عثمان بزدار نے آج اس سیل کا دورہ کیا جہاں انہیں تفصیلی بریفنگ دی گئی۔
پنجاب میں 25 لاکھ خاندانوں کو 4 ہزار روپے ماہانہ دینے کا فیصلہ
پنجاب میں کورونا وائرس کے خطرے کو سنجیدہ نہیں لیا گیا؟ اندورنی کہانی
کورونا وائرس، پنجاب میں نیا حکم نامہ نافذ، بھاری جرمانے اور سزاؤں کا اعلان
اس سیل میں روزمرہ اشیاء کی فراہمی اور ضروریات کے بارے میں متعلقہ محکموں کی رہنمائی کی جاتی ہے، یہ سیل مختلف شہروں میں آٹے او دیگر روزمرہ کی اشیاء کی سپلائی اور رسد کی بھی نگرانی بھی کر رہا ہے۔
• سیل میں دفعہ 144کی خلاف ورزی کرنے والوں کا ڈیٹا مرتب کیا جا رہاہے –
• صوبہ بھر میں 6154 ایف آئی آر درج کی گئی –
• دفعہ 144کی خلاف ورزی کرنے پر 10ہزار سے زائد افراد کے خلاف کارروائی کی گئی –
اشیاء صرف کی فراہمی اور ضروریات کے بارے میں متعلقہ محکموں کو بتایا جاتاہے- pic.twitter.com/PpFPLHrmrz— Government of Punjab (@GOPunjabPK) March 31, 2020
پنجاب بھر میں زائرین کی آمدورفت کی وجہ سے پیدا ہونے والی صورتحال کو بھی کورونا کرائسسز مینجمنٹ سیل مانیٹر کر رہا ہے۔
حکومت پنجاب کی طرف سے ایک ٹویٹ کے ذریعے تفصیلات سے آگاہ کیا گیا ہے اور ساتھ وزیر اعلیٰ پنجاب کے دورہ کی ویڈیو بھی جاری کی گئی ہے۔
