بھارت میں وطن واپس لوٹنے والے دو پاکستانیوں کے کورونا وائرس کے ٹیسٹ مثبت آئے ہیں جس کے بعد انہیں اسپتال داخل کر دیا گیا ہے۔
بھارتی اخبار ٹائمز آف انڈیا کے مطابق پاکستانی ہائی کمیشن نے 25 مارچ کو 5 لوگوں کے گروپ کو واپس بھجوانے کی اپیل کی تھی۔
تفصیلات کے مطابق بھارت سے کل 5 پاکستانی اتوار کو واہگہ بارڈر سے واپس لوٹے جن میں سے تین کی کورونا وائرس رپورٹ منفی آئی جبکہ دو کی رپورٹ مثبت آئی۔
کورونا کا شکار ہونے والے دو افراد میں سے ایک جگر کا ٹرانسپلانٹ کرانے کےلیے بھارت گیا تھا۔
پاکستان میں ایک ہی دن میں کورونا مریضوں کی تعداد میں بڑا اضافہ
کورونا وبا کا خاتمہ کیسے ہو گا؟ تین امکانات سامنے آ گئے
بھارت میں کورونا سے 32 اور لاک ڈاؤن کی وجہ سے 26 سے زائد ہلاکتیں
ذرائع کے مطابق واہگہ بارڈر پر دونوں ملکوں کی جانب سے کوئی اسکریننگ نہیں کی گئی تھی اور مثبت رپورٹس آنے والوں کی گھر پہنچ کر طبیعت خراب ہوئی جسکے بعد انہوں نے ٹیسٹ کرائے۔
بھارت سے آنے والے کورونا کے دونوں مریض اس وقت سروسز ہسپتال میں داخل ہیں۔
واپس آنے والے پانچ افراد میں مریض محمد اشفاق اور نگہت مختار ، نگہت کے لیے دونر محمد خالد اور اسکا اٹینڈنٹ اور یاسر مختار شامل ہیں.
ٹائمز آف انڈیا کے صحافی کے مطابق سرحد پار بھارت میں جس ٹیکسی میں پاکستانی آئے تھے اسکے ڈرائیور سمیت کسٹم کے اہلکاروں کو بھی قرنطینہ میں بھجوادیا گیا ہے.
سو کے قریب پاکستانی اب بھی اٹاری انٹرنیشنل بارڈر پر پھنسے ہوئے ہیں.
پاکستان میں کورونا مریضوں کی تعداد میں مسلسل اضافہ ہو رہا ہے، اب تک کے اعدادوشمار کے مطابق 1975 افراد میں وائرس کی تصدیق ہو چکی ہے۔
اس وقت تک پاکستان میں کورونا سے اموات کی تعداد 26 ہو چکی ہے جبکہ 56 صحتیاب ہو چکے ہیں۔
پنجاب میں اب تک 676 افراد میں کورونا کی تصدیق ہو چکی ہے جبکہ سندھ میں بھی اتنی ہی تعداد میں مصدقہ مریض اسپتالوں میں پہنچ چکے ہیں۔
