دو فرانسیسی ڈاکٹرز کی جانب سے ایک لائیو ٹی وی شو میں یہ تجویز پیش کی گئی کہ کورونا وائرس کی ویکسین کا تجربہ غربت کے شکار افریقی باشندوں پر ہونا چاہیے، اس پر دنیا بھر سے ان پر تنقید کی جا رہی ہے۔
تفصیلات کے مطابق فرانس کے ٹی وی چینل LCI پر گفتگو کے دوران ڈاکٹر مرا نے تجویز پیش کی کہ کیوں نہ ہم کورونا وائرس ویکسین کے متعلق تحقیق افریقہ میں کریں کیونکہ وہاں لوگوں کے پاس ماسک نہیں، علاج نہیں اور نہ ہی آئی سی یو کی سہولت موجود ہے۔
انہوں نے کہا کہ یہ ایک طرح سے وہی سلسلہ ہو گا جو ایچ آئی وی ایڈز کے معاملے میں اختیار کیا گیا تھا، ہم نے طوائفوں پر تجربات کیے تھے کیونکہ وہ اپنی حفاظت کے حوالے سے لاپرواہ تھیں۔
پروگرام میں شریک دوسرے ڈاکٹر لاچ نے اس تجویز سے اتفاق کرتے ہوئے اسے درست قرار دیا اور کہا کہ ہم اس حوالے سے سنجیدگی سے سوچیں گے۔
ان کی تجویز پر شدید غم و غصے کا اظہار کیا گیا، افریقہ سے تعلق رکھنے والے فٹ بالرز، بالخصوص چیلسی کلب کے سابق اسٹار کھلاڑی دیدائر دروگبا نے اس کے خلاف ٹویٹس کیے۔
کورونا وبا غریب ممالک میں کتنی تباہی پھیلا سکتی ہے؟
کیا دنیا عالمی قحط سالی کی جانب بڑھ رہی ہے؟
کورونا وبا کی روک تھام : غریب ممالک کیلئے تین اہم سبق
دیدائر دروگبا نے اپنے ٹویٹ میں کہا کہ افریقہ ٹیسٹ کرنے کی لیبارٹری نہیں ہے، میں ان تحقیر آمیز، غلط اور سب سے بڑھ کر شدید نسل پرستانہ الفاظ کی مذمت کرتا ہوں۔
It is totally inconceivable we keep on cautioning this.
Africa isn’t a testing lab.
I would like to vividly denounce those demeaning, false and most of all deeply racists words.Helps us save Africa with the current ongoing Covid 19 and flatten the curve. pic.twitter.com/41GIpXaIYv
— Didier Drogba (@didierdrogba) April 2, 2020
انہوں نے دنیا سے مطالبہ کیا کہ وہ افریقہ کو کووڈ 19 کی وبا سے محفوظ رکھنے میں ان کی مدد کرے تاکہ اس وبا کا پھیلاؤ روکا جا سکے۔
سینیگال سے تعلق رکھنے والے فٹ بالر ’دیمبا با‘ نے فرانسیسی ڈاکٹرز کی تجویز پر ردعمل دیتے ہوئے کہا ہے کہ مغرب میں خوش آمدید جہاں کے گورے اپنے آپ کو اعلیٰ نسل سے سمجھتے ہیں۔
افریقہ سے تعلق رکھنے والی مشہور شخصیات کی جانب سے فرانسیسی ڈاکٹروں کی تجویز کو نسل پرستی قرار دیا گیا ہے۔
ڈاکٹر لاچ صحت کے شعبہ میں دنیا کے دوسرے بہترین ریسرچ ادارہ ”انسیرم“ میں ریسرچ ڈائریکٹر ہیں۔ انسیرم کی جانب سے ٹویٹر پر کہا گیا ہے کہ ڈاکٹروں کی افریقیوں بارے تجویز کی غلط تشریح کی گئی ہے۔
#FakeNews Une vidéo tronquée, tirée d’1 interview sur @LCI d’1 de nos chercheurs à propos de l’utilisation potentielle du vaccin #BCG contre le #COVID19 fait l’objet d’interprétations erronées sur les réseaux sociaux. Voici les bonnes explications. ⬇️⬇️ pic.twitter.com/3QRcLgOkso
— Inserm (@Inserm) April 2, 2020
