آئرلینڈ کے وزیراعظم لیو ورادکر نے ملک کی ہیلتھ سروس میں خود کو ڈاکٹر کے طور پر رجسٹر کرا دیا ہے، وہ ہفتے میں ایک شفٹ طبی عملے کے ساتھ مل کر کام کیا کریں گے۔
لیو ورادکر سیاست میں قدم رکھنے سے پہلے سات سال تک بطور ڈاکٹر کام کر چکے ہیں، وہ ڈبلن کے سینٹ جیمز اسپتال اور کونولی اسپتال میں پریکٹس کرتے رہے ہیں۔
ان کے دفتر سے جاری کردہ بیان میں کہا گیا ہے کہ لیوورادکر نے ہیلتھ سروس ایگزیکٹو میں خود کو رجسٹر کرایا ہے اور کہا ہے کہ وہ ہفتے میں ایک شفٹ بطور ڈاکٹر کام کریں گے۔
نفیس جذبوں کی داستان: کورونا کا مریض بیٹی سے جھوٹ بولتا رہا
کورونا وائرس کا علاج کرنے والے برطانوی ڈاکٹر کی درد بھری داستان
کورونا کا شکار ہونے والے برطانوی وزیراعظم بورس جانسن اسپتال داخل
ان کے ترجمان کا کہنا ہے کہ ان کے خاندان کے کئی لوگ اور دیگر دوست ہیلتھ سروس میں کام کر رہے ہیں، وہ اپنی حد تک اس کام میں ہاتھ بٹانا چاہتے تھے۔
آئرلینڈ میں اب تک کورونا وائرس کے پانچ ہزار مصدقہ مریض سامنے آ چکے ہیں جبکہ اب تک 158 افراد اس وبا کے ہاتھوں موت کا شکار ہو چکے ہیں۔
