اسمارٹ فونز لوگوں کی زندگیوں کا اہم جز بن چکے ہیں، ایک تحقیق کے مطابق عام آدمی دن کا بڑا حصہ صرف موبائل فون استعمال کرنے میں صرف کر دیتا ہے۔
اگر آپ کو یقین نہیں آتا تو آپ محض پانچ گھنٹوں کے لیے موبائل کہیں رکھ دیں، اس دوران کئی مرتبہ آپ کا ہاتھ بے دھیانی میں بھی جیب میں ضرور جائے گا۔
ایک صارف اپنے موبائل میں کئی طرح کی ایپلیکشنز کو استعمال کرتا ہے اور جانے انجانے میں وہ ان کا عادی ہوتا چلا جاتا ہے۔
دنیا میں زیادہ تر لوگ اینڈرائیڈ اسمارٹ فونز کا استعمال کرتے ہیں جس کے لیے صارف پلے اسٹو سے ہر طرح کی ایپ ڈاؤن لوڈ کر سکتا ہے۔
یہ ایپس باآسانی اور مفت میں دستیاب ہوتی ہیں اور اسی وجہ سے گوگل پلے اسٹور کو شدید تنقید کا بھی سامنا رہا ہے۔
تنقید کی بڑی وجہ گوگل وہ غیر موثر نظام ہے جس میں یہ ہر طرح کی ایپس کو اپنے اندر جگہ دے دیتا ہے۔
اس نقص کی وجہ سے پلے اسٹور پر ایسی ایپس کی بھرمار ہے جو نہ صرف آپ کے اسمارٹ فون کے لیے نقصان دہ ہیں بلکہ ان سے آپ کی ذاتی نوعیت کی چیریں (پرائیویسی) بھی محفوظ نہیں ہے۔
ہم نے پانچ ایسی ایپس کی فہرست ترتیب دی ہے جو آپ کے موبائل اسمارٹ فون کے لیے نقصان دہ ہیں، اگر انہیں استعمال کر رہے ہیں تو فوری موبائل سے ان انسٹال کر دیں۔
کوئک پِک(QuickPIC)
اس ایپ کے ذریعے موبائل میں موجود فوٹو گیلری کا استعمال قدرے آسان ہو جاتا ہے تاہم مستقل اپڈیٹس کے باعث اس کا سائز بڑھتا جاتا ہے جس کی وجہ سے موبائل کی کارکردگی متاثر ہونے لگتی ہے۔
اس ایپلیکیشن کو جس ادارے نے خریدا ہے اس پر الزام ہے کہ وہ صارفین کا ڈیٹا اپنے سرورز پر منتقل کر رہا ہے۔
ES فائل ایکسپلورر(ES File Explorer)
یہ ایک معروف اور ایک اچھی فائل تلاش کرنے والی ایپ ہے تاہم یہ بھی بلاٹ ویئر اور ایڈ ویئر سے بھری ہوئی ہے۔
یہ بار بار صارف کو مختلف ایپس ڈاؤن لوڈ کرنے کے حوالے سے پاپ اپس دے کر زچ کرتی رہتی ہے، اس کی متبادل ایپس کے طور پر او آئی ایکسپلورر اور ایف ایکس فائل ایکسپلورر پلے اسٹور پر موجود ہیں۔
یوسی براؤزر(UC Browser)
یہ چین، بھارت اور پاکستان میں سب سے زیادہ استعمال ہونے والا براؤزر ہے، اس کا دعویٰ ہے کہ یہ باقیوں سے تیررفتار ہے۔
اس ایپ کی سب سے بڑی خامی یہ ہے کہ یہ صارف کا ذاتی نوعیت کا ڈیٹا اور براؤزر پر سرچ کی گئی کیوری، صارف کا آئی ایم ایس آئی نمبر، آئی ایم آئی اے نمبر، اور صارف کی جیو لوکیشن کا ڈیٹا بغیر انکریپشن کے علی بابا کے سرور میں منتقل کر دیا جاتا ہے۔
کلین ایٹ (Clean it)
جنک فائل کلینر ایسی ایپ ہے جو ایک کروڑ سے زائد مرتبہ ڈاؤن لوڈ کی جا چکی ہے اور گوکل پلے اسٹور پر 85 فیصد لوگوں نے اسے فائیو اور فور اسٹار دے رکھے ہیں جس کے بعد صارف کے ذہن میں یہی خیال آتا ہے کہ یہ ایک محفوظ ایپ ہے مگر ایسا نہیں۔
ایک تحقیق کے مطابق متعدد بار کیشے کو صاف کرنا آپ کے موبائل کی کارکردگی کو متاثر کر دیتا ہے۔
ریم میں سے ڈیٹا صاف کرنے کا عمل آپ کی بیٹری کا استعمال بڑھا دیتا ہے جبکہ چلتی ہوئی ایپس کو بند کر دینے سے بیڑی محفوظ ہوتی ہے کا تاثر بھی درست نہیں ہے۔
میوزک پلیئر
جیسا کہ نام سے ظاہر ہو رہا ہے اس ایپ کا مقصد میوزک چلانا ہے مگر اس میں موجود اشتہارات کی بھرمار اور ڈیٹا پلانز آپ کی بیڑی کو شدید نقصان پہنچاتا ہے۔
گوگل پلے اسٹور پر اکثر لوگوں نے یہ شکایت کی ہےکہ اس ایپ سے ان کا گیگا بائٹس میں ڈیٹا کا ضائع ہوا ہے۔
