بھارت کے ایک لڑکے نے گزشتہ برس اگست میں ہی پیش گوئی کر دی تھی کہ نومبر 2019 میں دنیا کو ایک وبا اپنی لپیٹ میں لے گی اور اس کی شدت اپریل 2020 تک جاری رہے گی۔
ابھیگیا آنند نامی لڑکے نے یہ پیش گوئی ایک ویڈیو کے ذریعے کی تھی، حال ہی میں اس کی نئی ویڈیو سامنے آئی ہے جس میں اس نے کہا تھا کہ اسی سال 20 دسمبر کو دنیا ایک نئی قسم کی وبا کا سامنا کرے گی جو 31 مارچ 2021 تک جاری رہے گی۔
ابھیگیا آنند کی تازہ پیش گوئی میں بتایا گیا ہے کہ نئی وبا کورونا وائرس سے کہیں زیادہ شدید اور خطرناک ہو گی اور دنیا کو ہلا کر رکھ دے گی۔
کورونا وبا: نئی دنیا تخلیق کرنے کا موقع
کورونا وبا کا خاتمہ کیسے ہو گا؟ تین امکانات سامنے آ گئے
کورونا وائرس عالمی سطح پر کیا تبدیلیاںلائے گا؟ دنیا کے 12 معروف دانشوروں کی پیش گوئیاں
اس نے ویڈیو میں کہا ہے کہ کورونا وائرس کی وبا 31 مئی تک جاری رہے گی، اس کے بعد دو دن کے لیے اس کی شدت میں وقفہ آئے گا لیکن یہ پھر شروع ہو جائے گی اور 30 جون تک جاری رہے گی۔
اس کا کہنا ہے کہ ان وباؤں کا مقابلہ کرنے کا ایک ہی طریقہ ہے اور وہ اپنے اندر قوت مدافعت پیدا کرنا ہے، اس کے سوا آنے والی وباؤں سے نجات حاصل کرنے کا اور کوئی راستہ نہیں ہے۔
نوجوان ستارہ شناس کا کہنا ہے کہ ہمیں جانوروں کو قتل کرنے اور دھرتی ماں کو نقصان پہنچانے سے گریز کرنا چاہیے۔
اس کا کہنا ہے کہ اگر ہم باز نہ آئے تو ہمیں دھرتی ماں کے غیظ و غضب کا انتظار کرنا چاہیے۔
اس نے تمام گوشت بیچنے والوں کو کہا ہے کہ وہ رضاکارانہ طور پر اس پیشے کو ختم کر دیں تاکہ آئندہ کے لیے وباؤں کا مقابلہ کیا جا سکے۔
