برطانوی شہزادہ ہیری اور ان کی ا ہلیہ شہزادی میگھن مارکل نے اپنی شادی کی نشریات سے حاصل ہونیوالے ایک لاکھ 12 ہزار ڈالرز کی رقم برطانیہ میں کورونا وباء سے متاثرہ خاندانوں پر خرچ کرنے کا اعلان کیا ہے۔
رائل فیملی کے ترجمان کی جانب سے جاری بیان کے مطابق شہزادہ ہیری اور ان کی اہلیہ شہزادی میگھن خوشی محسوس کرتی ہیں کہ ان کی رقم اس عظیم مقصد کیلئے استعمال ہو۔
ٹرمپ کا شہزادہ ہیری اور ان کی اہلیہ کو سیکیورٹی فراہم کرنے سے انکار
کورونا وبا سعودی عرب کے شاہی خاندان تک پہنچ گئی
19مئی 2018ء کو شہزادہ ہیر ی اور شہزادی میگھن مارکل کی ہونیوالی شادی کی نشریات کے حقوق بی بی سی کے پاس تھے، ایک اندازے کے مطابق دنیا بھر سے 1.9 ارب افراد نے بی بی سی پر شاہی جوڑے کی شادی کو دیکھا ۔ اس نشریات سے حاصل ہونیوالے منافع کو شاہی جوڑے کی خواہش پر ایک خیراتی ادارے کو عطیہ کیا جارہا ہے۔
پیپل میگزین کے مطابق برطانوی جوڑے نے ایک لاکھ 12 ہزار ڈالرز’ فیڈنگ بریٹن‘ نامی ادارے کو عطیہ کیے ہیں، جسٹن ویلبی پورے برطانیہ سے بھوک اور اس کی وجوہات ختم کرنیوالی اس فلاحی تنظیم کے صدر ہیں۔
شہزادہ ہیری اور میگھن، شاہی خاندان سے علیحدگی کے بعد اس وقت امریکی ریاست لاس اینجلس میں رہائش پذیر ہیں جو شہزادی میگھن مارکل کا آبائی علاقہ ہے تاہم کورونا وباء کے مشکل وقت میں بھی ہیری اپنے ملک برطانیہ کے عوام کی مدد کرتے دکھائی دیتے ہیں۔
گزشتہ ماہ شہزادہ ہیری اور ان کی اہلیہ شہزادی میگھن کینیڈا کے شہر وینکور سے امریکی ریاست لاس اینجلس منتقل ہوئے تھے جہاں وہ کورونا وباء کے دوران اپنے بیٹے آرکی کے ساتھ اپنے گھر تک ہی محدود ہیں۔
