وفاقی حکومت کی جانب سے کورونا وبا کے دوران غریب طبقے کی امداد کے لیے احساس پروگرام شروع کیا گیا، اس کی آخری تاریخ میں مزید توسیع کر دی گئی ہے اور اب 19 اپریل رات بارہ بجے تک اس کے لیے درخواست دی جا سکتی ہے۔
8171 پر اپنا شناختی کارڈ نمبر ایس ایم ایس کر کے اس میں شمولیت کی جا سکتی ہے، حکومت نے ایس ایم ایس مفت کر دیا ہے جس پر کوئی چارجز نہیں لگیں گے۔
ایک خاندان کا ایک ہی فرد اس امدادی پروگرام کے لیے اہل ہو سکتا ہے، ہر مستحق خاندان کو 12 ہزار روپے نقد رقم دی جائے گی۔
جن افراد کے شناختی کارڈ زائد المعیاد ہو چکے ہیں وہ پرانے شناختی کارڈ کا نمبر بھیج سکتے ہیں۔
حکومت نے احساس پروگرام کے لیے 150 ارب روپے مختص کیے ہیں۔
