یوراج سنگھ نے انکشاف کیا ہے کہ 2007 میں ٹی 20 میچ کے دوران برطانوی کھلاڑی اینڈریو فلنٹوف نے انہیں کہا کہ میں تمھارا گلا کاٹ دوں گا جس پر غصے میں آ کر انہوں نے اگلے بالر کے ایک اوور میں لگاتار 6 چھکے داغ دیے۔
انہوں نے اسپورٹس ٹاک کو بتایا کہ ایمانداری کی بات ہے کہ میرے ذہن میں اتنے چھکے مارنے کا خیال نہیں تھا لیکن فلنٹوف کیساتھ توتکار نے مجھے مشتعل کردیا۔
عرفان پٹھان کے والد کراچی میں جاوید میانداد پر ناراض کیوں ہو گئے؟
پاک بھارت کرکٹرز کی دوستیاں اور دشمنیاں، شاہد آفریدی کی زبانی
یوراج نے مزید بتایا کہ میں نے فلنٹوف کو اچھی گیندوں پر 2 چوکے مارے، یہ بات اسے پسند نہیں آئی اور جب میں وکٹ کے دوسرے سرے پر جا رہا تھا تو اس نے مجھے کہا کہ یہ مضحکہ خیز شاٹس تھے۔
ان کا کہنا ہے کہ میں نے اس سے پوچھا کہ اس نے کیا کہا ہے اور پھر آپس میں توتکار ہو گئی، فلنٹوف نے کہا کہ میں تمہارا گلا کاٹ دوں گا تو میں نے جواب دیا کہ آپ یہ بیٹ میرے ہاتھ میں دیکھ رہے ہیں، آپ جانتے ہو کہ میں اس بلے سے آپ کو کس جگہ ماروں گا؟
انہوں نے بتایا کہ اس موقع پر امپائر نے مداخلت کر کے روکا لیکن میں بہت طیش میں آ گیا تھا اور میں نے فیصلہ کیا تھا کہ مجھے اب ہر گیند باؤنڈری سے باہر پھینکنی ہے اور خوش قسمتی سے یہ میرا دن تھا۔
وسیم اکرم میچ فکسنگ کے لیے رابطہ کرتے تو قتل کردیتا، شعیب اختر
سابق انگلش کپتان ناصر حسین کے چار پسندیدہ ترین کھلاڑیوں کی فہرست میں سعید انور بھی شامل
اس کے بعد سٹوارٹ بروڈ کا اوور تھا جس میں پہلی بال پر یوراج نے ڈیپ مڈ وکٹ پر چھکا مارا، اگلی گیند ڈیپ اسکوائر لیگ، تیسری وائیڈ لانگ آف، چوتھی ڈیپ بیک ورڈ پوائنٹ، پانچویں ڈیپ اسکوائر لیگ اور آخری بال کو ڈیپ مڈ وکٹ کے اوپر سے باؤنڈری کے پار پہنچا کر 6 چھکے پورے کیے۔
یوراج کے چھ چھکوں اور بالآخر 16 گیندوں پر 58 رنز کی بدولت ہندوستان نے میچ جیتنے والی ٹیم کو 4-218 سے شکست دی۔
یوراج سنگھ 2007 میں جنوبی افریقہ میں افتتاحی ورلڈ ٹی ٹوئنٹی جیتنے والے ہندوستان کے سرفہرست کھلاڑیوں میں شامل تھے۔
اس ورلڈ کپ سے قبل یوراج کو انگلینڈ کے خلاف دیمتری ماسکریناس کے ہاتھوں ون ڈے میچ میں لگاتار پانچ چھکوں کا سامنا کرنا پڑا تھا، لیکن انہوں نے بتایا کہ سٹوارٹ براڈ کو چھ چھکے مارنے کے پیچھے یہ وجہ نہیں تھی۔
در حقیقت یہ انگلش آل راؤنڈر اینڈریو فلنٹوف کے ساتھ تنازعہ تھا جس نے ورلڈ کپ کے سابق فاتح کو یہ کارنامہ سرانجام دینے پر اکسایا۔
