کراچی میں بڑی تعداد میں کورونا کے بغیر علامات والے مریضوں کی اموات ہورہی ہیں۔ کورونا کے بظاہر صحت مند دکھنے والے 2 سے 3 مریض روزانہ گھروں پر ہی مر رہے ہیں۔
گزشتہ 40 روز کے دوران کراچی میں کورونا کے بغیر علامات والے 52 مریضوں کی ایسی اموا ت نے سوالات کھڑے کر دیے ہیں، کورونا وائرس کے ہاتھوں زندگی کی بازی ہانے والے ان مریضوں بارے بتایا جاتا ہے کہ یہ سب جسمانی لحاظ سے صحت مند تھے اور انہیں خود کو گھروں میں ہی قرنطینہ ہونے کا مشورہ دیا گیا تھا۔
خون پتلا کرنے والی ادویات کورونا مریضوں کی جان بچا سکتی ہیں، نئی تحقیق میں انکشاف
کورونا وائرس کی نئی علامات سامنے آ گئیں، کل تعداد 9 ہو گئی
صوبہ سندھ میں کورونا وائرس سے ہلاک ہونیوالے 60 مریض ایسے تھے جن میں وائرس کی علامات نہیں تھیں، یہ بظاہر صحت مند دکھنے والے مریض اچانک کورونا کے ہاتھوں موت کے منہ میں چلے گئے۔
گھروں پر مرنے والے بغیر علامات والے کورونا مریضوں میں 40 سال سے لیکر 82 برس کی عمر کے لوگ شامل ہیں، حکام کے مطابق گھروں میں وفات پانے والے زیادہ تر مریضوں کی عمر 60 برس یا اس سے زائد تھی۔
سندھ کے محکمہ صحت کے حکام کی جانب سے اکٹھے کئے گئے اعدادوشمار میں انکشاف ہوا ہے کہ کراچی کے ضلع کورنگی میں 15، ضلع ملیر میں 10، ضلع سینٹرل میں 9، ضلع جنوبی میں 8 اور ایسٹ اور ویسٹ ضلعوں میں 10 مریض گھروں پر قرنطینہ ہونے کے دوران ہلاک ہو گئے ہیں۔
حکام کے مطابق گھروں پر قرنطینہ مریضوں کے ساتھ محکمہ صحت فون پر رابطہ میں رہتا ہے اور کبھی کبھار تو انہیں روز انہ کی بنیاد پر فون کئے جاتے ہیں۔
حکام کا کہنا ہے کہ گھروں پر مرنیوالے زیادہ تر مریضوں کی جانب سے محکمہ صحت کو بتایا گیا تھا کہ وہ بالکل تندرست ہیں۔
آغا خان یونیورسٹی اسپتال کے ڈاکٹر فیصل محمود کا کہنا ہے کہ کورونا مریضوں کی صحت اچانک بگڑ جاتی ہے اور ان حالات میں انہیں ICU کی ضرورت پیش آتی ہے۔
کیا بازار سے خریدی گئی سبزیوں، پھلوں اور دیگر اشیا سے کورونا کا خطرہ ہے؟
روس کے یہودیوں میں کورونا وائرس سے کم اموات کی وجہ کیا ہے؟
انہوں نے کہا کہ ایسے مریضوں کو فوری طبی امداد نہ ملے تو وہ چند گھنٹوں میں مر سکتے ہیں۔
ان کا مزید کہنا تھا کہ کورونا وائرس بیماری دل پر بھی دباؤ ڈالتی ہے، اس بیماری کے دوران حرکت قلب بند ہونے سے مریض کی فوری موت ہوسکتی ہے۔
دی نیوز کی جانب سے سندھ کے محکمہ صحت کے حکام کے حوالہ بتایا گیا ہے کہ گزشتہ چند روز سے کورونا کے بغیر علامات والے 2 سے 3 مریضوں کی اموات رپورٹ ہو رہی ہیں۔
