چینی دارالحکومت میں کورونا نمودار، بیجنگ کے کئی علاقوں میں لاک ڈاؤن

چینی دارالحکومت بیجنگ میں کورونا وائرس پھر سے نمودار ہو گیا ہے جس کے بعد حکومت نے 11 رہائشی علاقوں میں لاک ڈاؤن نافذ کر دیا ہے۔

غیرملکی میڈیا کے مطابق جنوبی بیجنگ کی ایک گوشت اور سبزیوں کی سب سے بڑی مارکیٹ میں کورونا کا کلسٹر سامنے آیا ہے جس کے بعد مارکیٹ سے ملحقہ 11 رہائشی علاقوں میں لاک ڈاؤن کر دیا گیا ہے۔

تمام ممالک کورونا کی دوسری اور تیسری لہر کے لیے تیار رہیں، عالمی ادارہ صحت کا انتباہ

جنوبی کوریا میں کورونا وائرس کی دوسری لہر، ایک ہی شخص نے 54 افراد کو متاثر کر دیا

ایران میں کورونا وبا کی دوسری لہر شروع، صدر نے خبردار کر دیا

اس کا انکشاف اس وقت ہوا جب 3 جون کو مارکیٹ جانے والے ایک شخص کا کورونا ٹیسٹ مثبت آیا، چینی حکام نے فوری طور پر مارکیٹ میں کام کرنے والے 1940 افراد کا کورونا ٹیسٹ لے لیا۔

مارکیٹ کے 517 افراد میں سے 45 کا کورونا ٹیسٹ مثبت آیا لیکن ان میں مرض کی علامات ظاہر نہیں تھیں، مارکیٹ سے لیے گئے ماحولیاتی نمونوں میں بھی ایک گوشت کاٹنے والے بورڈ پر کورونا کا وائرس پایا گیا ہے۔

کورونا وائرس کے انکشاف کے بعد بین الصوبائی سفر پر پابندی لگا دی گئی ہے، کچھ اسکول بند کر دیے گئے ہیں اور کھیلوں کے مقابلے ملتوی کر دیے گئے ہیں۔

بیجنگ کی میونسپل انتظامیہ کے ترجمان نے عوام سے کہا کہ وہ ایک سیکنڈ کے لیے بھی غیرمحتاط نہ ہوں، ہمیں وائرس کے خلاف طویل جنگ کے لیے تیار رہنا چاہیئے۔

ان کا کہنا تھا کہ ہمیں باہر سے آنے والے کیسز کے حوالے سے خبردار رہنے کی ضرورت ہے، ہمیں یہ بھی جان لینا چاہیئے کہ ہمارے شہر میں وبا پر کنٹرول پانا ایک پیچیدہ اور سنجیدہ مسئلہ ہے اور یہ ایک طویل عرصے تک یہاں رہے گا۔