پاکستان فلم انڈسٹری پر دو دہائیوں تک راج کرنے والی معروف اداکارہ صبیحہ خانم امریکی ریاست ورجینیا میں انتقال کر گئیں۔
ان کی عمر 85 برس تھی اور وہ بلڈ پریشر اور شوگر سمیت کئی امراض کا شکار تھی، وہ ایک طویل عرصہ سے امریکہ میں مقیم تھیں۔
صبیحہ خانم کا اصلی نام مختار بیگم تھا، وہ 1935 میں پیدا ہوئیں، ان کے والد محمد علی ماہیا اور والدہ بالو بیگم تھیٹر میں کام کیا کرتے تھے، یوں اداکاری ان کے خون میں شامل تھی۔
ان کی پہلی فلم ‘بیلی’ 1950 میں ریلیز ہوئی تاہم انہیں حقیقی شہرت 154 میں ملی جب فلم گمنام سینما کی اسکرین پر جلوہ گر ہوئی۔
ان کی کامیاب ترین فلموں میں دلا بھٹی، وعدہ، حاتم، شیخ چلی سمیت کئی اور فلمیں شامل ہیں، پاکستان کی پہلی گولڈن جوبلی فلم بھی انہی کے حصے میں آئی، انہیں اپنی یادگار اداکاری کی بدولت تمغہ حسن کارکردگی سے بھی نوازا گیا۔
صبیحہ خانم کی زیادہ تر فلمیں ان کے شوہر سنتوش کمار کے تھیں جن کے ساتھ بعد میں انہوں نے شادی بھی کی اور یہ فلمی دنیا کی کامیاب شادی گردانی جاتی ہے۔
