بالی وڈ کے معروف اداکار سشانت سنگھ ممبئی کے شہر بندرا میں اپنی رہائش گاہ پر مردہ پائے گئے ہیں۔
ان کے ایک قریبی دوست سدھر چوہدری نے اپنے ٹویٹ میں ان کی موت کی تصدیق کرتے ہوئے لکھا کہ سشانت نے ممبئی میں اپنے گھر میں خود کو لٹکا کر خودکشی کر لی ہے۔
اطلاع ملتے ہیں پولیس موقع پر پہنچ گئی اور لاش کو اپنے قبضے میں لے لیا، ابھی تک خودکشی کی وجوہات معلوم نہیں ہو سکیں، پولیس اس حوالے تحقیقات میں مصروف ہے۔
پولیس کا کہنا ہے کہ پوسٹ مارٹم رپورٹ آنے کے بعد وہ کوئی رائے دے سکیں گے، بتایا گیا ہے کہ سشانت کی سابق منیجر دیشا سالان نے 5 روز قبل ڈیپریشن کی وجہ سے خودکشی کر لی تھی۔
سشان سنگھ بالی وڈ کے ابھرتے ہوئے ستارے تھے جنہوں نے فلم پی کے میں سرفراز کا کردار ادا کیا تھا اور خوب داد سمیٹی تھی، اس کے علاوہ انہوں نے ایم ایس دھونی، کیدارناتھ اور رابطہ جیسی فلموں میں اداکاری کے جوہر دکھائے تھے۔
انہوں نے اپنے کیرئیر کا آغاز ڈرامہ ‘کس دیش میں ہے میرا دل’ سے کیا تھا۔
