پیرس کی ایک عدالت نے فرانسیسی حکومت کے تین سابق عہدیداروں اور تین دیگر افراد کو کراچی افیئر نامی کیس میں 2 سے 5 سال کی سزائیں سنا دی ہیں۔
اس کیس میں الزام تھا کہ ملزموں نے 1994 میں پاکستان اور سعودی عرب کو ہتھیاروں کی فراہمی میں لاکھوں یورو کے کک بیکس لیے تھے، ان میں ایڈورڈ بالاڈور کی انتخابی مہم کے سابق مینیجر نکولس بازیر کے علاوہ اس وقت کے وزیردفاع فرینکوئس لیوٹارڈ کے مشیر رینود ڈونیڈیو اور 2007 میں صدر بننے والی تھیری گاؤبرٹ شامل ہیں۔
عدالت کے مطابق نکولس بازیر جانتے تھے کہ ایک کروڑ 2 لاکھ 50 ہزار فرانکس (16 لاکھ یوروز) مشکوک ذرائع سے ایڈورڈ بالاڈور کی مہم کے اکاؤنٹ میں آئے تھے۔
نکولس بازیر اور رینود ڈونیڈیو کو 3 سال قید کی سزا سنائی گئی ہے جبکہ تھیری گاؤبرٹ اور فرانسیسی نیول ڈیفنس کے کنٹریکٹر ڈی سی این ڈومینیک کاسٹیلان کو 2 سال قید کی سزا سنائی گئی۔
اسی طرح مڈل مین کے طور پر کام کرنے والے دو لبنانی مڈل مین زید تقی الدین اور عبدالرحمن الاسیر کو 5 سال قید کی سزا سنائی گئی۔
1994 میں ایڈورڈ بالاڈور کی حکومت نے پاکستان کے ساتھ آبدوزیں اور سعودی عرب کو فریگیٹ فروخت کرنے کا معاہدہ کیا تھا۔
اس کیس میں 91 سالہ ایڈورڈ بالاڈور اور 78 سالہ لیوٹارڈ بھی ملزم ہیں۔
