بالی وڈ اس وقت دنیا کی دوسری بڑی فلمی صنعت سمجھی جاتی ہے، بھارتی فلمیں دنیا کے زیادہ تر ممالک میں دیکھی جاتی ہیں اور اس کے اداکاروں کے مداح ہر طرف پھیلے ہوئے ہیں۔
لیکن اس فلم انڈسٹری کے اندر کیا صورتحال ہے، اس بارے میں بہت کم لوگ جانتے ہیں کیونکہ اس کی اندرونی خبریں کم کم باہر آتی ہیں۔
سشانت سنگھ کے 50 خواب، اداکار کی ہاتھ سے لکھی تحریر سامنے آ گئی
تاہم سشانت سنگھ کی خودکشی کے بعد کئی بہادر افراد نے اپنا کیرئیر داؤ پر لگا کر بھارتی فلم انڈسٹری میں پھیلی ہوئی اقربا پروری کو آشکار کر دیا ہے، ان میں ایک معروف بالی وڈ اداکارہ کنگنا رناوت ہیں جنہوں نے ایک ویڈیو کے ذریعے بہت سے حقائق بیان کرتے ہوئے سشانت سنگھ کی خودکشی کی وجہ بیان کر دی۔
ان کا کہنا ہے کہ کچھ لوگ کہتے ہیں جن کا دماغ کمزور ہوتا ہے وہ ڈیپریشن میں آ کر خودکشی کر سکتے ہیں لیکن سشانت سنگھ پوزیشن ہولڈر تھے اور انہوں نے اسکالر شپ حاصل کی تھی تو ان کا دماغ کیسے کمزور ہو سکتا ہے۔
کنگنا نے بتایا کہ سشانت اپنی آخری پوسٹوں اور انٹرویوز میں بار بار دہائی دے رہے تھے کہ ان کا کوئی گاڈ فادر نہیں ہے، انہیں انڈسٹری سے نکال دیا جائے گا۔
انہوں نے مزید بتایا کہ ‘گلی بوائے’ جیسی فضول فلموں کو ایوارڈز مل جاتے ہیں لیکن سشانت کو اپنی بہترین فلموں پر بھی ایوارڈ نہیں دیا گیا۔
ان کا کہنا تھا کہ آنجہانی اداکار کی موت خودکشی نہیں بلکہ منصوبہ بندی سے کیا گیا ایک قتل تھا، وہ لوگوں کی باتوں میں آ گئے تھے، جب انہیں کہا گیا کہ اب مزید فلموں میں کام نہیں ملے گا تو انہوں نے یقین کر لیا۔
کنگنا نے کہا کہ بھارتی فلم انڈسٹری میں ہونے والی اقربا پروری کی وجہ سے سشانت نے خودکشی کی ہے۔
