جمعرات کو دنیا بھر میں ڈیڑھ لاکھ اور جمعہ کو ایک لاکھ 81 ہزار سے زائد کورونا کے نئے کیسز سامنے آئے ہیں جو ایک ہی دن میں مریضوں کی سب سے زیادہ تعداد تھی۔
عالمی ادارہ صحت کے ڈائرکٹر جنرل ڈاکٹر ٹیڈروس ادھانوم نے خبردار کیا ہے کہ وبا ایک نئے اور خطرناک مرحلے میں داخل ہو رہی ہے۔
کورونا وائرس: عالمی ماہرین کی دنیا پر مشرق کی حکمرانی کی پیش گوئی
کورونا سے جاں بحق افراد کی نماز جنازہ و تدفین، عالمی ادارہ صحت نے رہنما اصول بتا دیے
تمام ممالک کورونا کی دوسری اور تیسری لہر کے لیے تیار رہیں، عالمی ادارہ صحت کا انتباہ
انہوں نے اپنے بیان میں کہا کہ ڈیڑھ لاکھ کیسز میں آدھے براعظم امریکہ میں تھے جبکہ جنوبی ایشیاء اور مشرق وسطیٰ میں مریضوں کی تعداد روزانہ بڑھ رہی ہے۔
ڈاکٹر ٹیڈروس ادھانوم نے اپنے بیان میں مزید کہا کہ دنیا گھروں میں بیٹھ کر بیزار ہو گئی ہے اور تمام ممالک اپنی معیشت اور معاشرہ دوبارہ سے کھولنا چاہتے ہیں لیکن انہیں یاد رکھنا چاہیئے کہ یہ مہلک وائرس اب بھی تیزی سے پھیلا رہا ہے۔
ڈبلیو ایچ او کے ڈائرکٹر جنرل نے کہا کہ سماجی فاصلے کی آج بھی ضرورت ہے، اب تک 87 لاکھ افراد کورونا سے متاثر ہو چکے ہیں جبکہ اموات کی تعداد 4 لاکھ 60 ہزار ہو گئی ہے۔
عالمی ادارہ صحت کے یورپ کے ریجنل ڈائرکٹر ڈاکٹر ہینس کلوگ نے کہا کہ خزاں میں وبا کی دوسری لہر کا آنا ممکن ہے۔
انہوں نے کہا کہ ابھی ہم یقین سے نہیں کہہ سکتے کہ دوسری لہر آئے گی یا نہیں۔
