پنجاب کے ٹیچنگ اسپتالوں میں 48 ڈاکٹروں نے نوکری سے استعفیٰ دے دیا ہے۔
محکمہ اسپیشلائزڈ ہیلتھ کیئر اینڈ میڈیکل ایجوکیشن کے نوٹیفکیشن کے مطابق میو اسپتال لاہور میں سب سے زیادہ 14 ڈاکٹروں نے استعفی دیا۔
اسی طرح الائیڈ اسپتال فیصل آباد سے 2 اور ڈی جی خان اسپتال سے 4 ڈاکٹروں نے ملازمت چھوڑی۔ سول اسپتال بہاولپور، شیخ زاید رحیم یار خان سے 2 اور جناح اسپتال سے 7 ڈاکٹروں نے استعفیٰ دیا۔
نوٹیفکیشن کے مطابق گورنمنٹ نوازشریف یکی گیٹ اسپتال، چلڈرن اسپتال، سروسز اسپتال، لاہور جنرل اسپتال سے بھی ڈاکٹر مستعفی ہوئے۔
اسی طرح کوٹ خواجہ اسپتال، شاہدرہ ٹیچنگ اسپتال، گوجرانوالہ ٹیچنگ اسپتال اور میاں منشی اسپتال سے ایک ایک ڈاکٹر مستعفیٰ ہوئے جن کا استعفیٰ منظور کر لیا گیا۔
