اپنی اہلیہ صدف زہرا کے مبینہ قتل میں ملوث سینئر خاتون صحافی کے پروڈیوسر اور سوشل میڈیا ایکٹوسٹ علی سلمان علوی کے کئی جعلی اکاؤنٹس سامنے آ گئے ہیں۔
تفصیلات کے مطابق مقتولہ کی ایک خاتون دوست نے ٹویٹر پر علی سلمان علوی کے درجنوں اکاؤنٹس کی تفصیلات ٹویٹر پر شیئر کی ہیں۔
شیئر کرنے والی خاتون کے مطابق یہ اکاؤنٹس یا تو پروٹیکٹڈ ہیں یا پھر انہیں صرف علی سلمان کا اکاؤنٹ فالو کر رہا ہے جس سے شکوک و شبہات جنم لے رہے ہیں۔
خاتون نے اپنی ٹویٹ میں وزیر برائے انسانی حقوق شیریں مزاری اور راولپنڈی پولیس سے مطالبہ کیا ہے کہ مکمل تحقیقات کر کے پورا گینگ بے نقاب کیا جائے۔
علی سلمان کے مبینہ جعلی اکاؤنٹس میں لڑکیوں کے نام سے اکاؤنٹس بھی شامل ہیں جن کی تفصیلات درج زیل ہیں۔
علوی 69 ، ثناء 92 نیوز ، نظیر 92 نیوز، قاسم خان، مجاہد کامران، مہوش ریاض، ہارون 92 نیوز، محمد ہارون 92 نیوز، ثناء جنید 69، ردا زہرا، مہرین سعید، علی موسیٰ۔
ذرائع کے مطابق ان کے علاوہ سینکڑوں اکاؤنٹس ایسے ہیں جن کے ذریعے مبینہ طور پر خواتین کو بلیک میلنگ اور سوشل میڈیا پر ٹرولنگ کی جاتی تھی۔
ذرائع نے کہا ہے کہ ان اکاؤنٹس کے فالورز کم تعداد میں ہیں لیکن یہ ٹویٹر پر ایکٹویٹی انگیجمنٹ میں انتہائی اہم کردار ادا کرتے ہیں۔
