یوکرین میں ایک ٹی وی چینل پر براہ راست خبریں پڑھتی خاتون کا دانت ٹوٹ گیا جس کی ویڈیو سوشل میڈیا پر وائرل ہو گئی ہے۔
تفصیلات کے مطابق خاتون اینکر ‘مارچکا پادوکو’ ٹی وی چینل پر خبریں پڑھ رہی تھیں جب اچانک انہیں محسوس ہوا کہ ان کا دانت ٹوٹ گیا ہے۔
انہوں نے اس غیرمتوقع واقعہ پر اپنے حواس قابو میں رکھے اور خاموشی کے ساتھ دانت نکال کر ہاتھ میں چھپا لیا اور خبریں پڑھنا جاری رکھیں۔
سوشل میڈیا پر مارچکا پادوکو کی یہ ویڈیو وائرل ہوتے ہی ان کے حوصلے کی داد دی جا رہی ہے جنہوں نے ایک مشکل مرحلے کا بہت عمدہ انداز میں سامنا کیا۔
بعد ازاں نیوز اینکر نے بتایا کہ وہ 20 برسوں سے میڈیا میں ہیں لیکن اس قسم کا غیرمتوقع واقعہ پہلی بار ہوا ہے، ان کا خیال تھا کہ ناظرین کا دھیان اس طرف نہیں جائے گا مگر یہ اندازہ غلط نکلا۔
انہوں نے کہا کہ دس برس قبل ان کی بیٹی دھات سے بنی الارم گھڑی سے کھیل رہی تھیں جو اچانک ان کے منہ پر جا لگی جس کے بعد انہیں دانت بنوانا پڑا تھا۔
مارچکا کی ویڈیو اس وقت تک 30 ہزار سے زائد افراد لائیک کر چکے ہیں جبکہ ہزاروں افراد نے ان کے حوصلے اور حاضر دماغی کی تعریف کی ہے۔
