پاکستان میں سونے کی قیمت تاریخ کی بلند ترین سطح پر پہنچ گئی

کراچی: رواں ہفتے کے چوتھے روز ملک بھر میں سونے کی فی تولہ قیمت میں 2100 روپے کا اضافہ دیکھا گیا، عالمی منڈی میں ہونے والے اضافے کا عکس پاکستان کی صرافہ مارکیٹوں میں بھی ریکارڈ کیا گیا۔

جیولرز ایسوسی ایشن کے اعدادوشمار کے مطابق سونے کی فی تولہ قیمت  ایک لاکھ 17 ہزار 300 روپے تک پہنچ گئی ہے۔

اسی طرح 10 گرام سونے کی قیمت میں بھی رواں ہفتے 1800 روپے اضافہ ہوا ہے جس کے بعد یہ ایک لاکھ 565 روپے تک پہنچ گئی ہے۔

عالمی مارکیٹ میں سونے کی قدر میں 25 ڈالر اضافہ ہوا ہے جس کے بعد فی اونس قیمت 1881 ڈالر ہو گئی ہے۔

یاد رہے کہ گزشتہ روز سونے کی فی تولہ قیمت میں 1500 روپے کا اضافہ ہوا ہے۔