جمیعت علمائے اسلام (ف) کے رہنما سینیٹر عطاالرحمان نے سینیٹ میں متحدہ اپوزیشن سے علیحدگی کا اعلان کر دیا۔
سینیٹ میں اپنی تقریر کے دوران انہوں نے کہا کہ آج جس طرح آپ لوگوں نے بل پاس کرائے ہیں، جے یو آئی کے اس پر تحفظات ہیں۔
عید کے بعد مڈٹرم انتخابات یا ان ہاؤس تبدیلی، بلاول کا اعلان
حزب اختلاف کی نیب کے اختیارات کم کرنے کی تجاویز حکومت نے مسترد کر دیں
انہوں نے مسلم لیگ ن اور پیپلزپارٹی سے شکوہ کرتے ہوئے کہا کہ ترامیم لا کر حکومت کو راستہ دینا اپوزیشن کی بڑی ناکامی ہے، میں دونوں بڑی اپوزیشن کی جماعتوں سے آج گلہ کر رہا ہوں کہ آپ اپنا کردار ادا نہیں کر رہے۔
انہوں نے کہا کہ سینیٹر جاوید عباسی نے قائمہ کمیٹی میں تمام افراد کو بلایا گیا مگر جے یو آئی کو کیوں نہیں بلایا گیا؟ کیا ہم ملک و قوم کے دشمن ہے؟ سینٹ میں ہم متحدہ اپوزیشن کا ساتھ نہیں دیں گے۔
مولانا عطاالرحمان کا کہنا تھا کہ ایک دن آئے گا یہ قوم آپ سے حساب لے گی، ہم اقوام متحدہ کے متعلق قرارداد کے ساتھ نہیں ہیں، جو چیز آپ لا رہے ہیں اس سے بین الاقوامی طور پر کوئی فائدہ نہیں ہو گا۔
انہوں نے کہا کہ اس طرح کی قانون سازی پر اپوزیشن کے ساتھ دوبارہ نہیں چلیں گے، اقوام متحدہ کی قراردادوں کو من و عن عمل کرنا درست نہیں۔
