صدر پاکستان نے 14 اگست کے موقع پر سول ایوارڈز کا اعلان کردیا ہے۔ یہ ایوارڈز 23 مارچ 2021 کو مختلف شخصیات کو دیے جائیں گے۔
ملک کیلئے بہترین خدمات سرانجام دینے والے 184 افراد کو ایوارڈز کے لیے نامزد کیا گیا ہے۔ ان میں تعليم، آرٹ اور ديگر شعبوں ميں نماياں خدمات دينے والے شامل ہيں۔ حريت رہنما سيد علی گيلانی کو نشان پاکستان سے نواز ديا گيا جبکہ دیگر تمام افراد کو 23 مارچ 2021 کو ایوارڈز دیے جائیں گے۔
معروف مصور صادقین نقوی، پروفیسر شاکر علی، ظہور الحق اور فیصل ایدھی کیلئے نشان امتیاز کا اعلان کیا گیا ہے۔
جمیل جالبی اور احمد فراز مرحوم کے لیے نشان امتیاز کا اعلان کیا گیا ہے۔ معروف گلوکارہ عابدہ پروین کو بھی نشان امتیاز سے نوازا جائے گا۔
ان کےعلاوہ اداکار طلعت حسین، بشری انصاری، اینکر نعیم بخاری کو ستارہ امتیاز دیا جائے گا۔
کرکٹرعبدالقادر مرحوم اور فاروق قیصر(انکل سرگم) کو بھی ستارہ امتیاز کیلئے نامزد کیا گیا ہے۔ فلم اسٹار نعمت سرحدی، ہمایوں سعید، اداکارہ ریشم کو صدارتی تمغہ برائے حسن کارکردگی ملے گا۔
ان کے ساتھ ہی اداکارہ سکینہ سموں، گلوکارعلی ظفر کیلئے بھی صدارتی تمغہ برائے حسن کارکردگی کا اعلان کیا گیا ہے جبکہ مولانا طارق جمیل کوبھی صدارتی تمغہ برائے حسن کارکردگی سے نوازا جائے گا۔
