مقبوضہ کشمیر سے تعلق رکھنے والے ایک 12 سالہ بچے کی 8 انگلیاں اور 4 انگوٹھے ہیں جس کی وجہ سے وہ ویڈیو گیمز اور کرکٹ زیادہ بہتر کھیل سکتا ہے اور حیرت انگیز تیزی سے درختوں پر چڑھ جاتا ہے۔
فیضان کا تعلق مقبوضہ کشمیر کے علاقے بارہ مولا سے ہے، انہوں نے انگوٹھوں کا آپریشن کرانے سے انکار کیا ہے کیونکہ ان کی وجہ سے وہ ویڈیو گیمز زیادہ آسانی سے جیت جاتے ہیں اور بہتر کرکٹ کھیل سکتے ہیں۔
پیدائش کے وقت سے ہی ان کے 4 انگوٹھے تھے، طبی زبان میں اس نقص کو ییگزا ڈیکٹائلی کہتے ہیں جو 1500 میں سے ایک بچے کو ہو سکتا ہے۔
فیضان اپنے ہاتھوں سے اسقدر تیزی سے درختوں پر چڑھ جاتے ہیں کہ لوگ حیران رہ جاتے ہیں، اس خصوصیت کی وجہ سے ان کے دوست انہیں بالی وڈ کے سپر ہیرو ‘کرش’ کے نام سے پکارتے ہیں۔
فیضان کی والدہ کا کہنا ہے کہ ڈاکٹرز نے بچپن میں ہی آپریشن کے ذریعے اضافی انگوٹھے کٹوا دینے کا مشورہ دیا تھا لیکن انہوں نے اس کی اجازت دینے سے انکار کر دیا۔
فیضان کا کہنا ہے کہ انہیں اس کیفیت پر کسی قسم کی شرمندگی نہیں ہوتی کیونکہ یہ اللہ کی مرضی تھی، کبھی یہ سوچ ضرور آتی ہے کہ ان کے ساتھ ایسا کیوں ہوا لیکن پھر دوست اس کیفیت سے باہر نکال لیتے ہیں۔
انہیں کرکٹ کھیلنے کا جنون کی حد تک شوق ہے اور اس کھیل میں بھی اضافی انگوٹھے ان کے لیے مددگار ثابت ہوتے ہیں۔
