دبئی میں 19 ستمبر سے انڈین پریمئیر لیگ ٹورنامنٹ شروع ہو رہا ہے تاہم بہت سے کھلاڑیوں کے کورونا ٹیسٹ مثبت آنے کے بعد اس کا انعقاد خطرے میں پڑ گیا ہے۔
بھارتی ٹیم کے بہت سے کھلاڑی کورونا کا شکار ہونے کی وجہ سے آئسولیشن میں چلے گئے ہیں، سپر کنگز کے معروف بلے باز سریش رائنا نے ذاتی مسائل کی وجہ سے ٹورنامنٹ میں شرکت سے معذرت کر لی ہے جس سے ان کی ٹیم کو بہت بڑا جھٹکا لگا ہے۔
میڈیا رپورٹس کے مطابق چنائی سپرکنگز کے ایک فاسٹ بالر کا کورونا ٹیسٹ بھی مثبت آیا تھا، اب تک بھارت سے 13 کھلاڑیوں اور اسٹاف ممبران میں کورونا کی تصدیق ہو چکی ہے۔
بھارتی کرکٹ بورڈ نے ابھی تک کورونا کا شکار ہونے والے افراد کے نام نہیں بتائے، چنائی سپر کنگز نے یکم ستمبر سے آئی پی ایک کی تیاریوں کا آغاز کرنا تھا جسے اب منسوخ کر دیا گیا ہے۔
ٹیم کے تمام کھلاڑیوں اور دیگر عملے کو دبئی پہنچنے کے بعد 6 روز کے لیے آئسولیٹ کر دی گیا تھا، اس دوران ان کے 3 ٹیسٹ ہوئے۔
بی سی سی آئی نے بتایا کہ اگست 20 سے 28 تک 1988 ٹیسٹ کیے گئے تھے جن میں کھلاڑیوں کے ساتھ ساتھ کوچ، بورڈ کے اراکین، ہوٹل اور ٹرانسپورٹ کا عملہ بھی شامل تھا۔
