پاکستان مسلم لیگ (ن) کی نائب صدر مریم نواز نے حزب اختلاف کی کل جماعتی کانفرنس میں شرکت نہ کرنے کا فیصلہ کیا ہے۔
ذرائع کا کہنا ہے کہ ان کی جگہ پی ایم ایل این کے صدر اور قائد حزب اختلاف شہبازشریف وفد کے ساتھ اے پی سی میں شریک ہوں گے۔
پاکستان پیپلزپارٹی کو اس حوالے سے آگاہ کر دیا گیا ہے، حزب اختلاف کی دیگر جماعتوں نے بھی اپنے وفود کے متعلق بتا دیا ہے۔
ن لیگ کا وفد 7 ارکان پر مشتمل ہو گا جس میں سابق وزیراعظم شاہد خاقان عباسی، خواجہ آصف، احسن اقبال اور ایاز صادق سمیت دیگر اہم رہنما شامل ہیں۔
یاد رہے کہ حزب اختلاف کی مشترکہ رہبر کمیٹی نے 20 ستمبر کو اسلام آباد میں اے پی سی بلانے کا اعلان کیا ہوا ہے۔
مولانا فضل الرحمان کی قیادت میں 3 رکنی وفد جبکہ عوامی نیشنل پارٹی سے امیر حیدرہوتی اور میاں افتخار شریک ہوں گے۔
اس کے علاوہ نیشنل پارٹی کی جانب سے ڈاکٹر عبدالمالک اور سینیٹر میر کبیر، ایوب ملک وفد میں شامل ہیں۔
