اسلام آباد میں ایسوسی ایٹڈ پریس آف پاکستان(اے پی پی) کے رپورٹر اشتیاق راؤ سے دن دیہاڑے 8 لاکھ روپے لوٹ لیے گئے۔
اشتیاق راؤ اسلام آباد کے سیکٹر آئی ایٹ مرکز کے اسٹینڈرڈ چارٹرڈ بینک سے 8 لاکھ روپے لے کر جب آئی ایٹ ون میں اپنے گھر کے باہر پہنچے تو موٹر سائیکل پر سوار دو نوجوانوں نے کنپٹی پر پستول تان کر پیسوں کا بیگ لیا اور فرار ہوگئے۔
اشتیاق راؤ نے نقار خانہ کو واقعہ کی تفصیلات بتاتے ہوئے کہا کہ وہ بینک سے رقم لے کر گھر کے باہر پہنچے ہی تھے کہ 2 موٹر سائیکل سوار جن میں سے ایک نے ہیلمٹ پہنا ہوا تھا مجھ پر پستول تان کر رقم سے بھرا بیگ لیا اور فرار ہوگئے۔
انہوں نے کہا کہ اس وقت اسلام آباد پولیس جرائم پر قابو پانے میں بری طرح ناکام ہے.اسلام آباد کے پوش سیکٹرز ایسی ڈکیتیوں سے محفوظ نہیں تو باقی علاقوں کے کیا حالات ہوں گے۔
ان کا کہنا تھا کہ ایف آئی آر کے اندراج کے لیے تھانہ آئی نائن سے رجوع کیا ہے اور سی سی ٹی وی فوٹیج نکلوانے کی بھی کوشش کی جارہی ہے۔
