قومی احتساب بیورو (نیب) نے جمیعت علمائے اسلام (ف) کے سربراہ مولانا فضل الرحمان کے پرسنل سیکرٹری کے والد کو گرفتار کر لیا ہے۔
نیبب ذرائع کا کہنا ہے کہ گرفتار کیے گئے موسیٰ خان بلوچ کے خلاف آمدن سے زائد اثاثوں کی تحقیقات کی جا رہی تھیں، ماضی میں وہ ڈی جی ایف او کے عہدے پر کام کر چکے ہیں۔
آمدن سے زائد اثاثے رکھنے پر فضل الرحمان کو نیب نے طلب کر لیا
موسیٰ خان کے بڑے بیٹے مولانا فضل الرحمان کے پرسنل سیکرٹری ہیں۔
یاد رہے کہ نیب نے مولانا فضل الرحمان کو بھی آمدن سے زائد اثاثے رکھنے کے الزام میں طلب کیا ہوا ہے۔
نیب ذرائع کے مطابق مولانا فضل الرحمان کو یکم اکتوبر کو حیات آباد کے آفس میں پیش ہونے کا نوٹس جاری کیا گیا ہے۔
نوٹس میں کہا گیا ہے کہ نیب خیبر پختونخوا کے پاس کیس میں شواہد اور معلومات ہیں، مولانا فضل الرحمان کے پیش نہ ہونے کی صورت میں نیب قانون کے تحت کارروائی کرے گا۔
یاد رہے کہ نیب نے مولانا فضل الرحمان کے بھائی ضیا الرحمان کو اشیا کی خریداری میں خورد برد کے الزام میں 25 اگست کو طلب کیا تھا۔
نوٹس میں کہا گیا کہ یہ انکوائری مشینری/سازو سامان کی خریداری وغیرہ سے متعلق خیبر پختونخوا کے انکوائری کمشنریٹ برائے افغان مہاجرین کے افسران/حکام کے خلاف فنڈز میں بد عنوانی کے ساتھ ساتھ ان کے غیر قانونی تقرر و ترقی اور آمدن سے زائد اثاثوں کے خلاف ہے۔
