توشہ خانہ ریفرنس : نوازشریف کی جائیدادوں، اثاثوں کی کھوج شروع

توشہ خانہ ریفرنس میں قومی احتساب بیورو (نیب) نے سابق وزیراعظم نواز شریف کی جائیداد اور اثاثوں کی کھوج شروع کر دی ہے۔

ذرائع کے مطابق نیب نے لاہور ڈیویلپمنٹ اتھارٹی (ایل ڈی اے) اور دیگر محکموں کو خطوط لکھ دیے گئے جن میں نواز شریف کی جائیدادوں، گاڑیوں، بینک اکاؤنٹس سے متعلق تفصیلات طلب کی گئی ہیں۔

توشہ خانہ ریفرنس میں آصف زرداری پر فرد جرم عائد، نواز شریف اشتہاری قرار

نیب کی جانب سے ایل ڈی اے، ڈپٹی کمشنر لاہور، ایکسائز ڈیپارٹمنٹ اور نجی بینک سے تفصیلات مانگی گئی ہیں، ان کی لاہور میں 1550 کنال سے زائد اراضی کی دستاویز بھی طلب کر لی گئی ہیں۔

اسی طرح سابق وزیراعظم کے زیراستعمال مرسڈیز، لینڈ کروزر اور 2 ٹریکٹرز کا ریکارڈ طلب کر لیا گیا ہے۔

یاد رہے کہ راولپنڈی کی احتساب عدالت نے توشہ خانہ ریفرنس میں سابق صدر آصف علی زرداری پر فرد جرم عائد کر دی تھی جبکہ سابق وزیراعظم نواز شریف کو اشتہاری قرار دیتے ہوئے ان کے دائمی وارنٹ گرفتاری جاری کر دیے تھے۔

توشہ خانہ ریفرنس

نیب کی جانب سے دائر کیے گئے توشہ خانہ ریفرنس میں الزام عائد کیا گیا ہے کہ نواز شریف اور آصف زرداری نے تحفے میں ملی گاڑیوں کو ذاتی استعمال میں لیا تھا جبکہ یوسف رضا گیلانی نے گاڑیاں دینے کی سمری منظور کی تھی۔