کراچی: قومی احتساب بیورو(نیب) نے مرحوم مخدوم امین فہیم کے بیٹے مخدوم حبیب اللہ کو کرپشن کے الزم میں گرفتار کر لیا ہے۔
نیب حکام کا دعویٰ ہے کہ مخدوم حبیب اللہ نےمشرف دور میں تعلقہ ناظمی کے دوران سابقہ ٹریژری افسر حیدرآباد مشتاق شیخ سے ملی بھگت کرکے کروڑوں روپے کی کرپشن کی۔
نیب کے مطابق مشتاق شیخ نے 2015 میں ڈیفنس کراچی میں مخدوم جلیل الزماں کے برادر نسبتی کے نام پر خریدے گئے فلیٹ کی مد میں 75 لاکھ روپے ادا کیے۔
مخدوم حبیب اللہ نیب کے جاری کردہ نوٹس کے باوجود پیش نہیں ہوام جس کے بعد انہیں بحریہ ٹاون سے گرفتار کرلیا گیا ہے۔
پاکستان پیپلز پارٹی کے سینئر رہنما چودھری منظور نے کہا ہے کہ حکومت جسے بھی جیل میں ڈالنا چاہتی ہے ڈال دے، حکومت مخالف تحریک ضرور چلے گی۔
ان کا کہنا تھا کہ اے پی سی کا اعلامیہ تمام اپوزیشن جماعتوں کا بیانیہ ہے، ہر جماعت کی اپنی سوچ ہے لیکن اپوزیشن جماعتیں متحد ہیں۔
