قومی احتساب بیورو (نیب) نے مسلم لیگ ن کے رہنما اور سابق وزیرریلوے خواجہ سعد رفیق کے خلاف ریلوے کی اراضی لیز پر دینے کی انکوائری بند کرنے کا فیصلہ کیا ہے۔
ذرائع کے مطابق ڈی جی نیب لاہور نے سفارشات حتمی منظوری کے لیے چیئرمین نیب کو بھیج دی ہیں۔
خواجہ سعد رفیق پر ریلوے کی زمین من پسند افراد کو سستے داموں لیز پر دینے کا الزام تھا، نیب کے پاس ان کے خلاف شکایت آئی تھی کہ انہوں نے لاہور والٹن روڈ اور یو ای ٹی پر موجود اراضی 33 سال کے لیے لیز پر دلوائی۔
شکایت کنندہ نے نیب کو درخواست میں کہا تھا کہ خواجہ سعد رفیق نے ریڈمکو کے ذریعے یہ زمین من پسند کنٹریکٹرز کو فائدہ پہنچانے کے لیے دی۔
نیب ذرائع کا کہنا ہے کہ ریلوے نے جس کمپنی کو زمین لیز پر دی انہوں سے سب سے زیادہ بولی لگائی، اس لیے خواجہ سعد رفیق پر من پسند افراد کو زمین ٹھیکے پر دینے کا الزام ثابت نہیں ہوتا۔
ذرائع کے مطابق 12 پلاٹس پاکستان کے مختلف ضلعوں میں آئل کی کمپنیوں کو دیے گیے تھے۔
