مریم نواز ٹوئٹر دھاندلی میں بھی سب سے آگے نکلیں، فیاض الحسن چوہان

صوبائی وزیر اطلاعات فیاض الحسن چوہان نے کہا ہے کہ مریم نواز ٹوئٹر دھاندلی میں بھی سب سے آگے نکلیں۔

اپنے بیان میں انہوں نے مریم نواز کو نتقید کا نشانہ بناتے ہوئے کہا کہ بیگم صفدر اعوان کے ٹوئٹر اکاؤنٹ پر لاکھوں جعلی فالورز  اچنبھے کی بات نہیں، ان کے 80 فیصد فالورز جعلی ہیں.

انہوں نے کہا کہ 19 ملین فالورز نے کبھی بیگم صفدر اعوان کے کسی ٹویٹ کو لائیک نہیں کیا جب کہ ان کے فالورز میں سے 2.37 ملین ڈیڈ ہیں۔

ان کا کہنا تھا کہ کیلبری کوئین کے 1898 فالورز نے ایک ہی دن ٹوئٹر اکاؤنٹس بنائے، مریم نواز کے تقریباً ایک ملین فالورز کا اپنا کوئی فالوور نہیں ہے۔

فیاض الحسن چوہان نے کہا کہ بیگم صفدر اعوان کے تقریباً 1.4 ملین ٹوئٹر فالورز کے 2 سے  5 فالوورز ہیں، بیگم صفدر اعوان کی چالاکیوں سے ساری پاکستانی عوام واقف ہے۔

انہوں نے مزید کہا کہ بیگم صفدر اعوان نے لوگوں کی آنکھوں میں دھول جھونکنے کی ناکام کوشش کی، دھاندلی اور شریف خاندان ایک دوسرے کیلئےلازم و ملزوم ہو چکے ہیں۔