مسلم لیگ (ن) نے سابق ڈی جی ایف آئی اے بشیر میمن کے الزامات پر عدالت جانے کا اعلان کر دیا۔
نجی ٹی وی سے گفتگو کرتے ہوئے مسلم لیگ ن کے رہنما خواجہ آصف نے کہا کہ وکلا سے مشاورت کے بعد حکومت کے خلاف عدالت جائیں گے۔
عدالت کا سابق ڈی جی ایف آئی اے بشیر میمن کی پینشن فوری جاری کرنے کا حکم
ان کا کہنا تھا کہ ہمارے پاس قانونی آپشنز ہیں، ان کو وکلا سے مشاورت کے بعد استعمال کریں گے۔
مسلم لیگ ن کی ترجمان مریم اورنگزیب کے مطابق سابق ڈائریکٹر جنرل ایف آئی اے کے انکشاف کیا ہے کہ ان پر دباؤ ڈالا گیا کہ شریف خاندان کے خلاف کارروائی کریں لیکن انہوں نے انکار کر دیا۔
انہوں نے بتایا کہ وزیراعظم نے بشیر میمن خواجہ آصف کے خلاف آرٹیکل 6 کا مقدمہ بنانے کا کہا تھا۔
ان کا کہنا تھا کہ بشیرمیمن نے کے الیکٹرک سے 87 ارب روپے واپس لینے کی بات کی تو عمران خان ناراض ہوگئے۔
مریم اورنگزیب نے مزید کہا کہ یہاں چہرے دیکھے جاتے ہیں کیسز نہیں، ڈی جی ایف آئی اے کو انکوائری بند کرنے کا کہا جاتا ہے۔
ان کا کہنا تھا کہ بشیر میمن کی گفتگو نے اپوزیشن کے بیانیے کو درست ثابت کر دیا ہے۔
