انٹرنیشنل مانیٹری فنڈ (آئی ایم ایف) نے 28 غریب ترین ممالک کی مدد کرنے کے لیے ایمرجنسی فنڈ ریلیز کرنے کی اجازت دے دی ہے۔
آئی ایم ایف کی جانب سے جاری بیان کے مطابق یہ فنڈ غریب ممالک کے قرض کی ادائیگی اور کورونا کی وبا سے بہتر طور پر نمٹنے کے لیے جاری کیے گئے ہیں۔
اس سے پہلے رواں سال اپریل میں بھی 25 ممالک پر مشتمل ایک فہرست تیار کی گئی تھی جنہیں مالی وسائل کی قلت سے نمٹنے کے لیے امداد کی پہلی قسط جاری کی گئی تھی۔
دوسری امدادی قسط حاصل کرنے والے 28 ممالک میں افغانستان، بینن، برکینا فاسو، برونڈی، سینٹرل افریقن ری پبلک، چانڈ، کومروس، ڈیموکریٹک ری پبلک آف کانگو، جیبوتی، ایتھوپیا، گیمبیا، گیانا، گیانا بساو، ہیتی، لیبیریا، مداگاسکر، مالاوی، موزمبک، نیپال، نائجر، رواندا، ساو توم اینڈ پرنسپ، سیرا لیون، دی سولومن آئی لینڈز، تاجکستان، تنزانیہ، ٹوگو اور یمن شامل ہیں۔
آئی ایم ایف کے مطابق مالی بھی امدادی فنڈ لینے کا اہل ملک ہے تاہم اس کا نام فہرست میں شامل نہیں کیا گیا۔
قرضہ جات کی ادائیگی کے لیے جاری کیا جانے والا یہ فنڈ کیٹاسٹراف کنٹینمنٹ اینڈ ریلیف ٹریسٹ کے ذریعے جاری کیا جاتا ہے۔ یہ ادارہ ایمرجنسی صورتحال میں غریب ممالک کی مدد کرنے کا مجاز ہوتا ہے۔
آئی ایم ایف اس ادارے کو مستقبل کی منصوبہ بندی کے لیے 1.4 ارب روپے دیے گا۔ اس وقت تک برطانیہ، جاپان، جرمنی، نیدرلینڈ، سویٹزرلینڈ، ناروے، چین، میکسیکو، سویڈن، بلگاریا ور مالٹا کی جانب سے 506.5 ملین ڈالر جمع کیے جا چکے ہیں۔
