پاکستان پیپلز پارٹی کے رہنما اور وزیراعلیٰ سندھ سید مراد علی شاہ کے معاون خصوصی راشد ربانی دوسری بار کورونا وائرس میں مبتلا ہو گئے ہیں۔
اطلاعات کے مطابق وہ شدید علیل ہیں، انہیں سانس لینے میں دشواری کا سامنا ہے۔
ان کے اہلخانہ نے تصدیق کی ہے کہ گزشتہ رات راشد ربانی کو تشویشناک حالت میں کلفٹن کے ضیاالدین اسپتال منتقل کیا گیا تھا۔
ذرائع کے مطابق سانس لینے میں دشواری کے باعث انہیں وینٹی لیٹر پر منتقل کر دیا گیا ہے۔
یاد رہے کہ 6 مئی کو انہیں پہلی بار کورونا کا ٹیسٹ مثبت آیا تھا جس کے بعد انہوں نے خود کو گھر میں الگ تھلگ کر لیا تھا۔
