معروف ریسلر اور اداکار جان سینا رشتہ ازدواج میں منسلک ہو گئے ہیں۔
امریکی اخبار یو ایس ویکلی کے مطابق جان سینا نے اپنی دوست شی شریعت زادے سے ایک نجی تقریب میں ساتھ زندگی گزارنے کا عہد کیا۔
اداکار نے فلوریڈا کے کے شہر ٹامپا میں اپنے خاندان کے افراد اور دوستوں کو مدعو کیا۔
اپنے ٹویٹر پیغام میں اداکار کا کہنا تھا کہ شادی ایک لمبی گفتگو کی طرح ہے جو ہمیشہ مختصر دکھائی دیتی ہے۔
واضح رہے کہ یہ جان سینا کی دوسری شادی ہے اس سے قبل ایکشن ہیرو نے نے 2009 میں ایلزبتھ سے شادی کیے تھی جو تین سال بعد 2012 میں طلاق پر منتج ہوئی۔
اداکار کی اپنی ساتھی ریسلر نکی بیلا کے ساتھ تعلقات کو بھی میڈیا نے خوب ہائی لائٹ کیا تاہم یہ تعلقات کچھ وقت کے بعد علیحدگی پر ختم ہوئے۔
حال ہی میں جان سینا کو جاپانی کمپنی ہونڈا کی طرف وائس آف ہونڈا قرار دیا گیا تھا۔
ہونڈا کی جانب سے جاری بیان میں بتایا گیا تھا کہ جان سینا اپنی طاقت اور قوت کی وجہ سے مشہور ہیں، اسی لیے وہ وائس آف ہونڈا کے لیے ایک اچھا انتخاب ہیں۔
ریسلنگ کی دنیا میں نام بنانے والے جان سینا نے فلم انڈسٹری میں اداکاری کے جوہر بھی دکھائے۔
حال ہی میں انہوں نے سوئیسائیڈ اسکواڈ کی ایک سیریز پیس میکر سائن کی۔ گارڈین آف گلیکسی جیسی معروف فلمیں بنانے والے ہدایتکار جیمز گن پیس میکر کے اسکرپٹ رائٹر اور ڈائریکٹر ہیں۔
سوسائیڈ اسکواڈ کو آئندہ سال اگست میں ریلیز کیا جائے گا جب کہ ایچ بی او میکس کی پروڈکشن پیس میکر کو آئندہ سال کے اوائل میں ریلیز کیا جائے گا۔
فلم کی کاسٹ میں شامل ہونے والے جان سینا نے میڈیا سے بات کرتے ہوئے بتایا کہ سوسائیڈ سیریز کا حصہ بننا اور جیمز گن کے ساتھ کام کرنا میرے لیے خوشی اور اعزاز کی بات ہے۔
ان کا کہنا تھا کہ میں پیس میکرکے لیے جیمز کے ساتھ مل کر کام کرنے لیے بہت زیادہ پرجوش ہوں۔
