بھارتی ریاست اترپردیش میں عوام فضا میں اڑتے ‘آئرن مین’ کو دیکھ کر خوفزدہ ہو گئے، واقعے کو فوری طور پر مقامی پولیس اسٹیشن میں رپورٹ کیا گیا۔
روسی اخبار کے مطابق روبوٹ کے زمین پر گرنے کے بعد خوفناک صورتحال مضحکہ خیز ہوگئی۔
پولیس اور مقامی لوگ وہاں پہنچے تو انہیں پتا چلا کہ یہ صرف آئرن مین کی شکل کا ایک غبارہ تھا جو فضا میں اڑ رہا تھا۔
پولیس حکام کے مطابق اس غبارے میں ہیلیم گیس بھری تھی جس کے ختم ہونے پر غبارہ ایک ندی کے کنارے جھاڑیوں میں گر گیا تھا۔
اترپردیش کے ضلع دھنکوار کے پولیس افسر انیل کمار پانڈے نے نیوز ایجنسی پی ٹی آئی سے بات کرتے ہوئے بتایا کہ لوگ آئرن مین کی شکل کے روبوٹ کو فضا میں تیرتا دیکھ کے ڈر گئے تھے۔
انیل کمار کا کہنا تھا کہ جب روبوٹ پانی میں گرا تو اس کا کچھ حصہ پانی میں ہونے کی وجہ سے دائیں بائیں ہل رہا تھا، یہ مںظر دور سے دیکھنے والوں کے لیے خوفناک تھا۔
