معروف اداکارہ ثنا جاوید اور عمیر جسوال رشتہ ازدواج میں بندھ گئے ہیں، دونوں انسٹاگرام پر اس خوبصورت موقعہ کی دلکش تصاویر شیئر کر کے یہ اطلاع دی ہے۔
اس سے قبل ان کی شادی کے حوالے خبریں سرگرم تھیں مگر دونوں نے اس معاملے پر خاموش رہنے کو ترجیح دی۔
چند ماہ قبل عمیر جسوال کی سالگرہ کے موقع پر ثنا جاوید نے انہیں سالگرہ کی مبارکباد دی تھی جس سے ان کی شادی کے متعلق گفتگو شروع ہو گئی تھی۔
دونوں نے خاموشی اختیار کیے رکھی لیکن اب اچانک ثنا جاوید اور عمیر جسوال نے انسٹاگرام اکاؤنٹ پر تصاویر پوسٹ کی ہیں۔
ثنا جاوید نے اپنے انسٹاگرام اکاؤنٹ پر ایک تصویر شیئر کی جس میں وہ عمیر جسوال کا ہاتھ تھامے بیٹھی ہوئی ہیں۔ عمیر جسوال نے بھی اپنے اکاؤنٹ پر ثنا جاوید کے ساتھ تصویر شیئر کی ہے اور دونوں نے اپنے کیپشن میں ’الحمداللہ‘ لکھا ہے۔
ان تصاویر سے اندازہ ہوتا ہے کہ دونوں نے شادی کر لی ہے، سوشل میڈیا پر میاں بیوی کے لیے نیک خواہشات کا اظہار کیا جا رہا ہے۔
خیال رہے کہ اداکارہ ثنا جاوید پاکستان شوبز انڈسٹری کی با صلاحیت اداکاراؤں میں سے ایک ہیں جب کہ گلوکار عمیر جسوال نے کوک اسٹوڈیو کے گانے ’سمی میری وار‘ سے خوب شہرت حاصل کی تھی۔
