افغانستان کے شہر جلال آباد میں پاکستانی قونصل خانے کے قریب افسوسناک سانحہ پیش آیا ہے جہاں بھگدڑ مچ جانے سے خواتین سمیت 15 افراد جاں بحق ہو گئے ہیں۔
خبررساں ادارے اے ایف پی کے مطابق ہزارو افراد پاکستان کونسل خانے کے قریب اسٹیڈیم میں جمع تھے جب یہ واقعہ پیش آیا، یہ لوگ پاکستان کے لیے ویزے کی درخواست دینے کے لیے اکٹھے ہوئے تھے۔
افغانستان کے شہر جلال آباد میں پاکستانی قونصل خانے کے قریب بھگدڑ سے 11 خواتین ہلاک ہوگئی ہیں۔
ہزاروں افراد نے جب اسٹیڈیم سے باہر نکلنے کی کوشش کی تو ایک دم سے بھگدڑ مچ گئی اور کئی افراد کچلے گئے۔
مقامی ہسپتال کے ترجمان ظاہر عادل نے کہا ہے کہ واقعے میں آ8 خواتین سمیت 10 افراد زخمی بھی ہوئے ہیں۔
بین الاقوامی خبر رساں ایجنسی رائٹرز کے مطابق ہلاک ہونے والے 15 افراد میں سے 11 خواتین ہیں جب کہ زخمی ہونے والے افراد میں بزرگ بھی شامل ہیں۔
یاد رہے کہ پاکستانی قونصل خانے نے 7 ماہ کے وقفے کے بعد ایک ہفتہ پہلے ویزے کے اجرا کا سلسلہ شروع کیا تھا۔
صوبہ ننگرہار اور اس کے قریبی صوبوں سے لوگ ویزے کے لیے اپلائی کرنے کے لیے صبح سویرے جمع ہوئے تھے۔
