معروف امریکی کمپنی اور خلائی مشن اسپیس ایکس کے چیف ایگزیکٹیو آفیسر ایلن مسک نے سیارہ مریخ پر 10 لاکھ افراد کو بسانے کی تیاری شروع کردی گئی، مریخ پر انٹرنیٹ فراہم کرنے کے لیے سیارے کے گرد سیٹلائیٹ بھی چھوڑا جائے گا۔
رپورٹ کے مطابق اپنے 2025 کے مریخ مشن کے لیے ایلون مسک نے مریخ کے مدار میں چھوڑنے کے لیے اسٹار لنک سیٹلائیٹ پر کام شروع کر دیا ہے۔
ایلن مسک کا کہنا ہے کہ جب مریخ پر شہر بس جائے گا تو وہاں کے افراد کو ایک دوسرے سے رابطے کی ضرورت ہو گی۔
انہوں نے کہا کہ مصنوعی سیارہ مریخ پر رہنے والوں کے لیے نہ صرف انٹرنیٹ پہنچائے گا بلکہ یہ ٹیم سیارے کے زمین کے ساتھ بات چیت کے لیے ایک پُل کا کام کرے گی۔
ایلن مسک نے گزشتہ سال اعلان کیا تھا کہ وہ 2050 تک 10 لاکھ افراد کو مریخ پر پہنچائیں گے جس کے لیے وہ ایک دن میں 100 لوگوں پر مشتمل 3 پروازیں مریخ روانہ کرنے کا ارادہ رکھتے ہیں۔
خیال رہے کہ گزشتہ ہفتے مریخ 15 سال بعد زمین کے قریب ترین آیا تھا، یہ ایک ہدتے تک غروب آفتاب کے بعد مشرق کی سمت نظر آیا تھا۔
ناسا کے مطابق دونوں سیارے ہر 15 سال بعد انتہائی قریب ترین پوزیشن میں آتے ہیں تاہم اس کے باوجود زمین اور مریخ کے درمیان قریب ترین فاصلہ بھی 3 کروڑ 86 لاکھ میل ہے۔
