بالی ووڈ کے مہیش بھٹ کے بعد فلم ساز کم کم سہگل نے بھی اداکارہ لیونیا لودھ کے خلاف مقدمہ دائر کر دیا ہے۔
کم کم سہگل کا کہنا تھا کہ وہ اپنے بیٹے کے کورونا ٹیسٹ کے مثبت آنے کی وجہ سے قرنطینہ میں ہیں جس کی وجہ سے انہیں اپنی شکایت ای میل کے ذریعے درج کرانی پڑ رہی ہے۔
یاد رہے اس سے قبل فلمساز مہیش بھٹ اور مکیش بھٹ نے بہتان اور جھوٹے الزامات لگانے پر اداکارہ لیونیا لودھ کے خلاف ممبئی ہائی کورٹ میں ہتک عزت کا مقدمہ درج کر چکے ہیں۔
بھٹ برادران کی جانب سے کیس درج کرائے جانے کے بعد اداکارہ لویانا کی جانب سے ایک اور ویڈیو پیغام سامنے آیا ہے۔
بھارتی اداکارہ نے اپنے نئے ویڈیو پیغام میں مہیش بھٹ پر الزام لگایا ہے کہ وہ انہیں ان کے گھر سے نکالنے کی کوششیں کر رہے ہیں۔
بھارتی میڈیا رپورٹس کے مطابق اداکارہ لیونیا لودھ نے بتایا ہے کہ جب سے انہوں نے بھٹ برادران کے خلاف آواز اٹھائی ہے تب سے انہیں گھر سے نکالنے کے لیے کوششیں کی جا رہی ہیں۔
یاد رہے کہ بھٹ برادران نے اداکارہ کے خلاف ایک کروڑ روپے ہرجانے کا دعوی بھی کیا تھا۔
بھٹ برادران کا کہنا تھا کہ اداکارہ کے جھوٹے الزامات نے ان کی ساکھ کو خراب کیا ہے۔
ان کا کہنا تھا کہ اداکارہ اپنے الزامات پر معافی مانگیں اور عدالت مستقبل میں اس قسم کے جھوٹے اور سنگین الزامات نا لگانے کا بھی حکم دے۔
اپنے بیان میں بھٹ برادران کا کہنا تھا کہ سمیت سبھروال کا بھٹ فیملی سے کوئی تعلق نہیں ہے۔
بھٹ برادران نے بمبئی ہائی کورٹ میں مقدمے کی جلد درخواست کی سماعت کی تھی۔
بمبئی ہائی کورٹ کے جسٹس اے کے مینن نے کیس کی سماعت کی اور لیونیا لودھ سے جلد از جلد جواب طلب کیا تھا۔
عدالت نے اداکارہ سے جواب طلب کرتے ہوئے سماعت تین ہفتوں کے لیے ملتوی کر دی ہے۔
اداکارہ لیونیا لودھ کے وکیل نے یقین دہانی کرائی ہے کہ اداکارہ بھٹ برادران کے خلاف کسی قسم کی بیان بازی نہیں کریں گی۔
یاد رہے گزشتہ ہفتے اداکارہ لیونیا لودھ نے سوشل میڈیا پر اپنی ویڈیو شیئر کر کے بالی ووڈ انڈسٹری میں ہلچل مچا دی تھی۔
اپنے ویڈیو پیغام میں لیونیا نے مہیش بھٹ پر لوگوں کی زندگیاں تباہ کرنے کا الزام لگایا تھا۔
اداکارہ نے مہیش بھٹ کو بالی ووڈ انڈسٹری کا ڈان قرار دیا تھا۔
اپنے ویڈیو پیغام میں اداکارہ نے بتایا کہ وہ مہیش بھٹ کے بھانجے سمت سبھروال کی سابقہ اہلیہ ہیں۔
انہوں نے بتایا کہ سمیت سبھروال منشیات اور لڑکیاں فروخت کرنے کے دھندے میں ملوث تھے اور اسی وجہ سے اداکارہ نے ان سے طلاق لی۔
اداکارہ نے بھٹ برادران پر الزام لگایا کہ وہ اپنے بھانجے کے کاروبار سے واقف تھے۔
