وفاقی وزیراطلاعات و نشریات شبلی فراز نے کہا ہے کہ ایاز صادق کی اسمبلی میں گفتگو کا معاملہ معافی سے آگے نکل چکا ہے۔
اپنے ٹویٹ میں ان کا کہنا تھا کہ ایاز صادق کے معاملے پر اب قانون اپنا راستہ لے گا۔
انہوں نے مزید کہا کہ ریاست کو کمزور کرنا ایک ناقابل معافی جرم ہے جس کی سزا ایاز صادق اور ان کے حواریوں کو ضرور ملنی چاہیئے۔
ایاز صادق کے بیان پر تجزیہ کاروں کی رائے بھی سامنے آ رہی ہے۔
سینئر صحافی عامر متین نے اپنی ٹویٹ میں کہا ہے کہ جو بات انہوں نے اسمبلی کے فلور پر کی تھی اس پر کارروائی نہیں ہو سکتی لیکن انہوں نے ویڈیو کے ذریعے وضاحت پیش کی ہے جس کے بعد ان کے خلاف قانونی کارروائی ممکن ہے۔
یاد رہے کہ ایاز صادق نے اسمبلی کے فلور پر پلوامہ حملے کے بعد ہونے والی پاک بھارت کشیدگی کے حوالے سے ایسا بیان دیا تھا جس پر بھارتی میڈیا میں خوشی کے شادیانے بجائے گئے۔
