300 میل فی گھنٹہ کی رفتار سے دوڑنے والی دنیا کی پہلی فرانسیسی کار بگاٹی کی رونمائی کر دی گئی ہے۔
بگاٹی کی جانب سے جاری بیان میں بتایا گیا ہے کہ یہ کار صرف مخصوص ٹریکس کے لیے ڈیزائن کی گئی ہے، اسے عوامی سڑکوں پر نہیں چلایا جا سکتا۔
کمپنی کی جانب سے اس بات کی تصدیق نہیں کی گئی کہ کار کو فروخت کے لیے مارکیٹ میں لایا جایا گا یا نہیں۔
واضح رہے ٹریکس پر چلنے والی لگژری کاروں کو عموماً دولت مند کسٹمرز کے لیے تیار کیا جاتا ہے جو ان گاڑیوں کو اپنے ذاتی ٹریکس پر چلاتے ہیں۔
اس قسم کی کاروں میں سڑکوں پر چلنے والی کاروں کی طرح حفاظتی آلات نصب نہیں کیے گئے ہوتے تاہم ان میں ریس ٹریکس کے لیے جدید حفاظتی گیئرز لگائے جاتے ہیں۔
ماہرین کے مطابق کار کی تیاری میں اس کا وزن کم کرنے پر زیادہ سے زیادہ فوکس رکھا گیا تھا جب کہ کار کی اونچائی 3 فٹ تک رکھی گئی ہے۔
کار کی چھت کو خاص قسم کے میٹریل سے تیار کیا گیا ہے، کار کی اسپیڈ تیز ہونے کی صورت میں چھت پر ببل بن جاتے ہیں جو ہوا کے بہاؤ کو کنٹرول کرتے ہیں۔
کار کے کچھ پارٹس ٹائی ٹینیئم نامی کیمیائی عنصر سے بنائے گئے ہیں جب کہ دیگر پارٹس کاربن اور ٹائی ٹینیئم کے مرکبات سے بنائے گئے ہیں۔
