ڈیموکریٹک پارٹی کی رہنما اور ایوان نمائندگان کی اسپیکر نینسی پیلوسی نے صدارتی نتائج مرضی کے برعکس آنے پر ایوان نمائندگان میں مداخلت کی دھمکی دی ہے۔
امریکی میڈیا کے مطابق اپنے بیان میں نینسی پیلوسی کا کہنا تھا کہ اگر صدارتی انتخابات میں ان کی مرضی کے نتائج نہیں آئے تو وہ ایوان نمائندگان میں مداخلت کریں گی۔
ان کا کہنا تھا کہ اگر رواں سال کے انتخابات میں فیصلہ ڈیموکریٹس کے حق میں نہیں آیا تو 2020 کے انتخابات کا فیصلہ کرنے کو تیار ہیں۔
ایوان نمائندگان مداخلت کر سکتا ہے؟
واضح رہے کہ ایوان نمائندگان امریکی صدارتی انتخابات کے نتائج سامنے آنے کے بعد مداخلت کر سکتا ہے۔
ماضی میں ایسے واقعات کم ہی دیکھنے کو ملے ہیں۔ امریکی میڈیا کے مطابق اگر کوئی ایک امیدوار انتخابات میں حاصل کرنے میں ناکام رہتا ہے تو ایوان کے ارکان تمام ریاستوں سے ایک ایک ووٹ دے سکتے ہیں۔
امریکی انتخابات 2020
امریکہ میں صدارتی انتخابات کے لیے پولنگ کا عمل ختم ہو چکا ہے جس کے بعد مرحلہ وار نتائج سامنے آنے کا سلسلہ جاری ہے۔
گزشتہ روز بھی امریکی صدارتی انتخابات میں براہ راست ووٹنگ کا آغاز ہوا تو تقریباً 10 کروڑ امریکیوں نے ڈاک کے ذریعے اپنا ووٹ کاسٹ کیا۔
کورونا وائرس کے خطرے کے پیش نظر اس سال پولنگ ڈاک کے ذریعے کرانے کی تجویز دی گئی تھی۔
امریکی میڈیا کے مطابق اب کے انتخابی نتائج میں جوبائیڈن کو ڈونلڈ ٹرمپ پر واضح برتری حاصل ہے۔
واضح رہے کہ امریکی صدر بننے کے لیے امیدوار کو 270 الیکٹورل ووٹ حاصل کرنا ہوتے ہیں جب کہ اب تک کے نتائج کے مطابق جوبائیڈن 237 الیکٹورل ووٹ لے کر آگے ہیں۔
امریکی میڈیا کے مطابق ڈیموکریٹک امیدوار جوبائیڈن نے 237 اور ری پبلکن امیدوار امریکی صدر ٹرمپ نے اب تک 210 الیکٹورل ووٹ حاصل کیے ہیں۔
اب تک نتائج میں ڈیموکریٹک امیدوار کو 19 ریاستوں میں برتری حاصل ہے جب کہ ری پبلکن امیدوار ڈونلڈ ٹرمپ 16 ریاستوں کے نتائج اپنے نام کر چکے ہیں۔
16 مزید ریاستوں سے نتائج موصول ہونے کا سلسلہ جاری ہے۔
